السلام عليكم ورحمة الله وبركاته
خواتي الغاليات
ابوي الله يطول في عمره دايما يشتكي من آلام في كل جسمه وخصوصا الرجلين بس هاليومين الآلام زايده حتى المسجد ما يقدر يروح كل صلاه :( وهذا الي مضايقه هو اكثر من الألم
على العموم اخذناه للطبيب وعمل له فحوصات دم وبول وقال عنده التهاب بسيط بالبول يروح مع
الاكثار من شرب الماء وعنده النقرس يقول المفروض تكون نسبته في الدم 7 وعند ابوي 9 وزود
الي تعرف عن هالمرض اي شي او احد من اهلها عنده تقول لي الله يخليكم وهل بيظل معاه على
طوول والا ممكن يتعالج ويروح عنه ؟؟؟؟؟؟؟؟
شكرا جزيلا لكل من قرأ موضوعي واتمنى الشفاء العاجل لجميع مرضى المسلمين
شاركي في النقاش
سجلي الدخول لإضافة تعليق.
التعليقات
10- الغالية بس يغيت ادش و ادعي لابوج بالعافية الله يرزقه ان شالله من فضله ...
و الله مالي اي علم بالنقرس بس اللي اعرفه انه يصيب اللي ياكلون اللحوم بكثره .. و ماعرف والله اتوقع الدككتور كان لازم يعطيه تفصيل بالموضوووع .. لو تسوون بحث ع النت و تقرين عن الموضوووع .. و لو تشووفون مركز او دكتور طب بديل اعتقد يقدر يساعده .. مع الاستمرار على الادوية اللتي وصفها له الدكتوور ..
و خل يقرا على نفسه .. خصوصا الفاتحه و الاخلاص ..
و الله يعطيه العافيه يا رب - اختي الله يشفي والدك...وشوفي هالروابط بتفيدك...
http://www.your-doctor.net/locomotor/gout.htm
http://www.elazayem.com/new_page_187.htm - الف شكر لجميع من رد وقرأ موضوعي ودعا لابوي بالصحه وطول العمر
جزاكم الله كل الخير وما تشوفون اي مكروه ان شاء الله - الله يشافي الوالد ويخليه لكم اختي اذا ماني غلطانه النقرس يشبه مرض التهاب المفاصل وكلاهما من امراض ترسبات الاملاح وعلاجه اولا الادويه التي يصفها له الطبيب مع الالتزام بالتعليمات وهي اولا تنزيل الوزن مع المشي حسب الوقت الذي يحدده الطبيب والاكثار من شرب الماء والابتعاد عن القهوه والشاي الاحمر والكولا واللحوم والاسماك المعلبه والبقوليات والشوكلاته ولامانع من الاسماك والمرض غير مزمن بل باذن الله يشفى منه هذا كل اللي اعرفه واتمنى ان تدعوا ان يشافي الله ولدي وان ينطق الله لسانه
- الله يشفيه ويعافيه ..
اللي فهمته من الرابط .. إن الكلى معنيه ..
خليه يشرب كوب من منقوع البقدونس يومياً <<< ينظف الكلى ..
" ملعقة كبيرة بقونس مجفف "بقدونس طازج يغسل ويجفف في البيت" + كوب ماء مغلي ..
يترك ربع ساعة .. مع التحريك ..
يصى ويشرب بالعافية " ..
والله يخليه لكم .. آمين ..
مواضيع مشابهة
تابعي تجارب أخرى من هذا القسم.