شاركي في النقاش

سجلي الدخول لإضافة تعليق.

التعليقات

2,020
  1. @khoaly_bny_tmym

    قصه ولادتي

    دخلت التاسع وخلص التاسع وطاف على موعد ولادتي كثير كنت ب2فبراير وولدت ب21فبراير


    الي كنت مستغربته انه الجنين مانزل للحوض وكل حمايلي ينزلو بدري واحد من حمايلي ببدايه السابع ينزل

    واستغربت شي ثاني كلما صورت اشعه للجنين كان حاط ايده على وجهه من الرابع وهذي حركته وكلما اسأل تقول طبيعي


    المهم اخر اسبوع من 42الأسبوع الأخير مره اخر فرصه كنت بالليل طلوق وتعب واذا اذن الفجر راح كل شي

    وهذي حالتي اسبوع كامل لحد ماطفش مني زوجي وقال بكره بوديك غصب وانا رافضه اقول له أبغى تجي الولاده بدون ما اروح لهم واتعذب


    المهم رحت مجبره وكشف علي دكتور وقال الرحم فاتح2س وعمل تحريض فتحه ل4

    وقال يالله قسم الولاده وتنويم هنا حسيت انه فرجت الرحم4س ياسلام


    واروح لقسم الولاده وحرمه داخله وحرمه طالعه وانا محلك سر ماحركت ساكن وجاني دكتور من بكره الصباح وكشف قال الرحم2س قلت والحل قال مافيه الا طلق صناعي

    قلت لا غيره قال تنويم ومراقبه لوضعك وللبيبي قلت اطلع بس قال على مسؤليتك انتي طوفتي خلاص

    المهم ويكتبو لي تنويم واجلس يومين طلق خفيف وبارد وبعد يومين تنازلت دكتوره وجت كشفت علي لقت الرحم فاتح 4وقالت طلقك بارد لازم طلق

    هنا استسلمت خلاص قرف جلسه المستشفيات قلت طلق طلق اهم شي اخلص

    وانزل لقسم الولاده ويجي الدكتور قال بحط لك بالوريد لحد مايفتح الرحم6س بعده افتح لك مويه الجنين واحط طلق ثاني قلت توكلت على الله

    ويبدأ الطلق محتمل لحد ماوصل الرحم 6س ويفتح مويه الجنين ويحط طلق هنا خلاص بدأ الجد وطلق فضييييييع حار حار حار

    لحد ماوصل 8س هنا قال الدكتور اشوف رأس الجنين ويدخل يدينه الثنتين عشان ينزل رأسه للحوض وينزل رأسه ويقول ادفعي ادفع يرجع يرتفع وهذي حالتي وصراخ خلاص انتيهت وهو يقول ما أبغى لك عذاب العمليه وانا ما عاد اقدر الم غير طبيعي يدخل يدينه ويجر الرأس وبعدين يقول ادفعي ادفع يرتفع الجنين مره ثانيه لحد ماضعفت دقات قلب الجنين وهنا استدعى دكتور التخدير طبعآ انا هنا ماعاد اقدر الم الطلق والم تدخيل يدينه والم لايطاق صارت الممرضه تصرخ خوذي نفس عشان الجنين خلاص موت واخذ بكل قوه وهي تصرخ خوذي نفس وبسرعه اوقع عمليه وتدخل القسطره لما دخلت القسطه حسيت بشي انفجر داخل والدكتور يناديني ايش فيك واحس بتنميل لحد ماوصل لوجهي حاجه كأنه انخنق وانا اتشهد قال لي دكتور التدخير خوذي نفس --------

    بعدها صحيت وماصحيت افتح عيوني الدكتور يهرجني الحمدلله عالسلامه قلت ولدي مات صح قال لا والله طيب وانا أبكي والله مات لاتكذبو علي انا سامعه دقات قلبه وقفت وهو يحلف وانا أحلف كلمني كلام عن المثانه وانه صار نزف فيها ووو وانا ابكي اقول ولدي مات وانت تكذب ومو ببالي الا انه مات وينزلوني لقسم التنويم

    ولما صحيت جاني الدكتور وقال لي حصلنا الحبل السري لافف على رقبته ثلاث لفات واللفه الأخيره لافه على يده وكلما حاول يعدل يده وينزل للحوض خنق نفسه وارتفع لفوق

    والقسطره حصلنا عندك التصاقات بالمثانه بسبب التهاب بالحوض وكان رأس الجنين جالس عالمثانه فلما دخلت القسطره جرحت المثانه ونزفت

    جلس ابني خمس ايام بالحضانه


    وتوته توته انتهت الحتوته :D:D
  2. @khoaly_bny_tmym

    قصه ولادتي السهله الحمدلله

    طبعإ عديت موعدي بأسبوع وهنا صرت زهقانه من نفسي وامي راحت لزواج خالتي وانا حرمت خواتي من الروحه لهم بسبب اني ماولدت :(

    ويوم من الأيام واجي واحط تمر مع----

    ماراح اقول وش حطيت اخاف تغامرون مثلي ويجيكم شي


    المهم واتقهوى وابلع من التمر والقهوه

    وتنزل المويه الساعه1ليلا طلق حامي نار اروح لدوره المياه واذا راح الطلق طلعت وكملت سوالف مع خواتي واكل هالتمر ههههه


    لحد ماجت الساعه6الصباح جاء اخوي قلت لاتروح شوي ابغاك توديني

    واطلق اصب مويه واذا راح الطلق وقف الماء

    لحد ماوقف الطلق

    قلت لأخوي يالله مشينا

    وادخل وتكشف علي الممرضه قالت 8س

    وادخل لكشك الولاده وماشاء الله تبارك الله عصرتين وتطلع بنوتتي للدنيا

    قلت للممرضه بلغي الرجال هو كان ناوي يمشي قالت له مدام ولاده خلاص هههه

    انهبل كيف ولاده وتوي مدخل الحرمه ويدق يتأكد طبعآ اخوي قلت ايوه ولدتت خخخخخ

    سهلها ربي يارب لك الحمد بس غامرت صراحه بأكل ---مع التمر

    لأنه حار عالرحم زين ماجاني شي


    على فكره كنت ناويه اكله بولادتي الأخيره بس كلما استخرت ما ارتاح ما ادري ليش اتاري جنيني متشبث بالحبل السري بقوه خخخخخخ
  3. @tmonh

    خووالي ...ندى ..
    الحمدلله ع سلامتكم...قصصكم ررعب ..الحمدلله ماعندي اكشنات بس اخرر حمل ولدت بطلق صناعي بغيت اننجن من الوجع حاار اعوذبالله

تابعي تجارب أخرى من هذا القسم.