قصه ولادتي
دخلت التاسع وخلص التاسع وطاف على موعد ولادتي كثير كنت ب2فبراير وولدت ب21فبراير
الي كنت مستغربته انه الجنين مانزل للحوض وكل حمايلي ينزلو بدري واحد من حمايلي ببدايه السابع ينزل
واستغربت شي ثاني كلما صورت اشعه للجنين كان حاط ايده على وجهه من الرابع وهذي حركته وكلما اسأل تقول طبيعي
المهم اخر اسبوع من 42الأسبوع الأخير مره اخر فرصه كنت بالليل طلوق وتعب واذا اذن الفجر راح كل شي
وهذي حالتي اسبوع كامل لحد ماطفش مني زوجي وقال بكره بوديك غصب وانا رافضه اقول له أبغى تجي الولاده بدون ما اروح لهم واتعذب
المهم رحت مجبره وكشف علي دكتور وقال الرحم فاتح2س وعمل تحريض فتحه ل4
وقال يالله قسم الولاده وتنويم هنا حسيت انه فرجت الرحم4س ياسلام
واروح لقسم الولاده وحرمه داخله وحرمه طالعه وانا محلك سر ماحركت ساكن وجاني دكتور من بكره الصباح وكشف قال الرحم2س قلت والحل قال مافيه الا طلق صناعي
قلت لا غيره قال تنويم ومراقبه لوضعك وللبيبي قلت اطلع بس قال على مسؤليتك انتي طوفتي خلاص
المهم ويكتبو لي تنويم واجلس يومين طلق خفيف وبارد وبعد يومين تنازلت دكتوره وجت كشفت علي لقت الرحم فاتح 4وقالت طلقك بارد لازم طلق
هنا استسلمت خلاص قرف جلسه المستشفيات قلت طلق طلق اهم شي اخلص
وانزل لقسم الولاده ويجي الدكتور قال بحط لك بالوريد لحد مايفتح الرحم6س بعده افتح لك مويه الجنين واحط طلق ثاني قلت توكلت على الله
ويبدأ الطلق محتمل لحد ماوصل الرحم 6س ويفتح مويه الجنين ويحط طلق هنا خلاص بدأ الجد وطلق فضييييييع حار حار حار
لحد ماوصل 8س هنا قال الدكتور اشوف رأس الجنين ويدخل يدينه الثنتين عشان ينزل رأسه للحوض وينزل رأسه ويقول ادفعي ادفع يرجع يرتفع وهذي حالتي وصراخ خلاص انتيهت وهو يقول ما أبغى لك عذاب العمليه وانا ما عاد اقدر الم غير طبيعي يدخل يدينه ويجر الرأس وبعدين يقول ادفعي ادفع يرتفع الجنين مره ثانيه لحد ماضعفت دقات قلب الجنين وهنا استدعى دكتور التخدير طبعآ انا هنا ماعاد اقدر الم الطلق والم تدخيل يدينه والم لايطاق صارت الممرضه تصرخ خوذي نفس عشان الجنين خلاص موت واخذ بكل قوه وهي تصرخ خوذي نفس وبسرعه اوقع عمليه وتدخل القسطره لما دخلت القسطه حسيت بشي انفجر داخل والدكتور يناديني ايش فيك واحس بتنميل لحد ماوصل لوجهي حاجه كأنه انخنق وانا اتشهد قال لي دكتور التدخير خوذي نفس --------
بعدها صحيت وماصحيت افتح عيوني الدكتور يهرجني الحمدلله عالسلامه قلت ولدي مات صح قال لا والله طيب وانا أبكي والله مات لاتكذبو علي انا سامعه دقات قلبه وقفت وهو يحلف وانا أحلف كلمني كلام عن المثانه وانه صار نزف فيها ووو وانا ابكي اقول ولدي مات وانت تكذب ومو ببالي الا انه مات وينزلوني لقسم التنويم
ولما صحيت جاني الدكتور وقال لي حصلنا الحبل السري لافف على رقبته ثلاث لفات واللفه الأخيره لافه على يده وكلما حاول يعدل يده وينزل للحوض خنق نفسه وارتفع لفوق
والقسطره حصلنا عندك التصاقات بالمثانه بسبب التهاب بالحوض وكان رأس الجنين جالس عالمثانه فلما دخلت القسطره جرحت المثانه ونزفت
جلس ابني خمس ايام بالحضانه
وتوته توته انتهت الحتوته :D:D
®©®]©®
متابعة النقاش، صفحة 341