شاركي في النقاش

سجلي الدخول لإضافة تعليق.

التعليقات

85
  1. @ghmaam

    صاحبة الموضوع
    هلا خواتي والله ماهو قصدي التشويق بس عندي اشغالي 
    اسسفه اني تأخرت عليكم 
    نكمل 
    كنت جنب التليفون سبحان الله الا ويرن 
    وارفع السماعه الا صوت دكتوره تقول 
    السلام عليكم انتي ام رائد ؟؟
    انا في هذي الحضه تجمدت عروقي وحسيت بشي بااارد يصب علی ظهري 
    قلت ايه 
    قالت تعالوا خذوا رائد خلاص خف ابشركم 
    قلت ها طيب طيب رميت السماعه وماعرفت اتصرف 
    كنت مثل الطير الي له جنحان ومايقدر يطير 
    ماعرفت احكي 
    تلعثمت صرت اصفق من الدهشه 
    ماعرفت اوصل الخبر لابوه الي هو زوجي 
    عيالي يطالعون فيني يقولون من هذا يمه وش فيك 
    وانا ابكي ومندهشه خايفه وش بشوف وش بيطلع شكل رائد خايفه من شكله 
    هل هو طيب والا فيه اعاقه والا مريض والا نحيف هيكل عظمي 
    لاني في اخر فتره قلت لزوجي لاعاظ تصوره 
    خلاص 
    بيطلع وبيصير في احسن حال 
    يكفي تعذيب 
    قال ابشري وهو يتقطع من جوا 
    المهم علمت زوجي قلت المستشفی يقولون تعالوا خذوا رائد 
    فرح ونط من الفرحه 
    وراح لبس علی طوول وانا لبست عباتي 
    قسم بالله لبستها مقلوبه ويالله ربطت النقاب 
    المهم من ركبت والصمت ملازمنا 
    بس ادعي ان ربي مايفجعني 
    وقلت ياربي اني توكلت عليك وماتوكلت علی الاطباء 
    ياربي انت بس الي تعلم بحالي 
    ياربي مثل مارزقتنيه طلعه لي سليم 
    والله اناجي ربي وانا متوكله عليه وعارفه انه مايردني خايبه ابددد
    المستشفی قريب مرره من بيتنا تقريبا ربع ساعه
    بس هاالمره كنه يووم المسافه 
    وصلنا دخلنا المستشفی 
    زوجي راح يخلص الاوراق 
    وانا دخلت الحضانه اعرفها طبعا من قبل 
    خذوا اسمي ودخلوني 
    دخلت الغرفه التفت يمين لقيتهم غيروا مكان رائد
    قسم بالله يااخواتي 
    ان له شهر ماشفت صورته ولا اعرف وينه بالضبط 
    كل الغرفه اطفال 
    قسم بالله اني امشي وكن احد يدلني 
    رحت يمين علی طووول 
    واشوف هذاك الطفل النايم 
    وملبسينه ملابس ولافينه في بطانيه 
    علی طول شلته كني اعرفه من سنين 
    كنه شفته من قبل 
    سبحان الله قلب الام 
    واشيله واحضنه 
    وابوسه وابكي واحمد ربي 
    الا بدخول الممرضه قلت صح هذا رائد قالت ايوا 
    واشوف في يده رقمه واسمه بالعربي والانجليزي 
    وافرح افرح
    يهبل ياخواتي يهبل 
    بس شوي نحيف واسمر خفيف 
    ومافيه شعر 
    بس الحمدلله كاامل ويطالع فيني 
    بعد قلبي ولدي 
    المهم الفه في قلبي واطلع به 
    عطوني ملابس له 
    قلت لا خلوها لاطفال الي عندكم 
    واطلع والتفت علی الغرفه 
    وقلت يارب ماعاد يدخلها 
    يارب تشفي الاطفال وتجمعهم بأمهاتهم 
    واخذ حبيبي واطلع للبيت 
    خلاص حبايبي اكمل بعدين 
    انتظروني 
    احبكم 
    💞💝💘💘

تابعي تجارب أخرى من هذا القسم.