كيس المبيض وعشبة المدينه

السلام عليكم 

متابعه قديمه للمنتدى ومواضيعه واول مره اكتب موضوع واتمنى الاقي اجابه تريحني 

انا من شهرين وانا استخدم منشطات حبوب وابر وما صار حمل الا اني قررت اتركها هالشهر لانها عفست كل شي عندي حتى الدوره _تكرمي _ ما تنزل الا اشياء بنيه وبيضاء طول ايام الدوره 

امس رحت للدكتوره لان عندي الم باسفل بطني في الجهه اليمنى وعندي قطع بيضاء في البول وبعد الكشف طلع عندي التهاب في البول _تكرمي _ وكيس على المبيض حجمه 2 سم 

قبل اعرف هالاشياء كنت مقرره استخدم عشبة المدينه وفعلا اشتريتها وبس كنت انتظر الدوره حتى استخدمها بس من عرفت انو عندي كيس خفت منها !!!!! 

لو استخدمتها تسبب لي مشاكل مع الكيس ؟

ممكن احمل والكيس عندي ؟

الكيس شي خطير ولا بسيط ، لان الدكتوره ما عطتني علاج عنه الا عن الالتهاب ؟

اتمنى احد يريحني بالاجابه 

5 تعليق 4,796 مشاهدة

شاركي في النقاش

سجلي الدخول لإضافة تعليق.

التعليقات

5
  1. @hdonh_2

    الله يرزقك والله ماعندي علم
    بس تاكدتي ان الكيس نزل مع الدوره او لا
    انا مره صارت لي كيس ع المبيض وكان اكبر من حجم الكيس اللي طلع لك
    والدكتوره قالت بعد الدوره ع طول تجيني اتاكد الكيس راح او لا
    والحمدلله نزل مع الدوره وهالشي حصلي مرتين
    انتي تاكدي الكيس راح او لا
    لان الكيس سببه المنشطات


    الله يرزقنا جميعا
  2. حدونه
    الله يرزقك والله ماعندي علم بس تاكدتي ان الكيس نزل مع الدوره او لا انا مره صارت لي كيس ع المبيض وكان اكبر من حجم الكيس اللي طلع لك والدكتوره قالت بعد الدوره ع طول تجيني اتاكد الكيس راح او لا والحمدلله نزل مع الدوره وهالشي حصلي مرتين انتي …
    كيف راح منك بعلاجات ولابدون
  3. @hdonh_2

    بدون ينزل مع الدوره وبعد الدوره الدكتوره تسوي لك اشاعه ويوضح اذا نزل او باقي
  4. @aml_otfaaal

    وعليكم السلام ورحمة الله وبركاته
    ممكن ينزل مع الدوره اشربي مويه عشان الالتهاب وكمان تلبينه اللي هي الشعير
    والعشبه ماادري عنها
    الله يوفقنا واياكم

تابعي تجارب أخرى من هذا القسم.