يقول لي انتي قبيحه وزوجتي الاولى ملكه جمال

وقفيه عند حده اذا تكلم لا تراددينه

عطيه بالوجه وحمري عليه العين

وقولي له كل شي ولا كرامتي

والحمد لله شايفني قبل تاخذني

يمزح بس مو مزح ثقيل وجارح وصراحه الكلمه بحد ذاتها مررره قوييه الله يعين 

السلام عليكم
اختي انتي تزوجتي وانتهى الموضوع .. خلي نجاح زواجك هو هدفك حتى لو دب وماادري ايش اكيد فيه صفات ثانيه حلوه وهي اللي حببتك فيه ..
نصيحه اجلسي معه جلسه رايقه وقولي له .. احنا ببداية حياه جديده .. كلامك زعلني وضايقني كثير .. انا اخذتك وانت سبق لك الزواج مارح اسالك ليه طلقت وﻻ كيف حياتك معها لانه شي ماضي وانتهى لكن اطلب منك تنسى انك تزوجت قبل نهائي وﻻتذكر هالموضوع ﻻقدامي وﻻ وراي ابدا .. وحكايه انتي حلوه اوﻻ ﻻ .. احنا تزوجنا وانت رضيت فيني وانا رضيت فيك واهم شي الاخلاق واساسا لو ماعجبتك وارتحت لي ماكان كملت الخطبه والزواج .. وادري اني حلوه بعيونك ..
وتراه زوجك مو اخوك تقعدي تردحي له مثل مايقولولك بعض الردود .. لقالك انتي مو حلوه .. ﻻتردي ابدا خليك ساكته .. ﻻن انتي مو في حرب تقعدي تراددي الرجال ... بالعكس لما يشوفك ساكته بيستحي على نفسه ويسكت اما لما تقعدي تراددي فيه طبيعي كل يوم بيتفح هالموضوع او غيره .

ونصيحه اذا بتنجحي زواجك ﻻعاد تقولي له او لغيره انك تزوجتيه غصب او ولد عمي احسن .. كلامك هذا بتاكلي نتايجه بعدين 

هذا اللي عندي وان شاء الله اكون افدتك ..

بالنسبة للاخوات اللي بيقولو يمزح معاك فيه وقت للمزح وحدة بشهر العسل يجرح مشاعرها بكلام كذا
كان المفروض يراعي مشاعرها بنت زي كل البنات تحب تسمع الكلمة الحلو والدلال مو يجلس يجرح فيها
وبعدين هو على قولته يدور على الاخلاق كان اتحلى فيها هو اول قبل يجلس يدور عليها وهي من افضل الصفات قبل الجمال
التطنز والتجريح ماهي من اخلاق المسلم اللي فعلآ يدور على بنت الحلال الخلوقة معجبته كان قالها لها بشوفه وخلصنا اما ياخذها وكل شوي يرميها بسهام من لسانها فعيب حتى لو كان مزح كثرة المزح مسخرة وقلة ادب ولها حدود بالاحترام


واخيرآ احب اقولك حبيبتي هو او غيره يكون هذا كلامهم فهم بشر تفكيرهم بسيط خذيه على قد عقله ابدآ ابدآ لاتجارينه بالكلام ولاتراددينه خلي ثقتك بنفسك قوية واكسبيه بالقول الحسن مأقولك ارمي نفسك عليه لا بس حاولي تذكري له حديث ونص قراني واكتفي بعدها بالسكوت وكملي كلامك بأي موضوع ثاني ولا كأنه قال شي
ووالله بيستحي من نفسه وبتكبرين بعينه وراح يحترمك اكثر
والله يصلح الاحوال ويسخركم لبعض

قوليله انت تطالع نفسك وتحط الكلام فيني كل المواصفات اللي تقولها لي فيك انت
الله يعينك زوجك من الرجال اللي لسانه طويل ياااااصبرك