شاركي في النقاش

سجلي الدخول لإضافة تعليق.

التعليقات

59
  1. @ammoon0015

    am.moon0015
    أم كوثر حبيت اقولك عن فشل الزواج الثاني ونجاحه يعتمد على الرجل مو زوجته الأولى طبيعي اي زوجه بترفض زواج زوجها والغيرة فطرة في المرأة وحدثت بين امهات المؤمنيين  وكمان بقولك التعدد لايناسب جميع الرجال لذلك شرط الله شرط عظيم وصعب جدا اللي هو …
    اما بالنسبه لسؤالك انا تزوجت مطلق وعانيت في بداية حياتي رغم انه مطلق بس سبحان الله العشرة بين الزوجين لها دور وخاصه لما يكون بينهم عيال الا مايقارن بين حياته حديثا وسابقا وانا رفضت المعدد لأن مااتحنل ضرة وكان خطبني معدد رفضته وتزوج وحده سفرها لماليزيا ومعيشها بفيلا بس ابدا ماتندمت اني رفضته تخيلي زوجته حرقت البيت يوم زواجه 
    المهم اختي زوجه ثانيه ورفضناه كثير بس لأنه نصيبها اراد الله وتزوجت بس كل وحده منهم في بلد وزوجها حازم وكلمته ماتنكسر يوم قالتله امي جيب زوجتك عندك بدل ماتتزوج قال مستحيل هي تتهتم بأمي وابوي كبار في السن واذا ماتزوجت بنتكم بتزوج غيرها وفي الأخير كان نصيبها وتزوجت وزوجته كانت عارفه لأنه قد خطب اكثر من مرة ومايصير نصيب ويكون شاري الذهب ويرجع يجيبه لزوجته الأولى مو قلتلك ان الأمر هذا قدر ونصيب مالنا يد فيه....
  2. @dlolh_zogy

    ياختي كل شي بالمكتوب وخطيبك تركك لأنه مو من نصيبك مو عشان المشاكل ...وأهم نقطه في موضوعك خلي نيتك سليمه ولاتقولي بخليه يحبني أكثر انا ووو ومن هالكلام ترى سمعت هالكلام كثير من بنات كبار موافقين يتزوجون متزوجين وواثقين بقوة انها راح تسحره بكل شي ماتدري أن سحرها حيكون موقت بالنسبه لزوجها ....لأن البنت بطبيعتها تعيش احلام قبل الزواج
    ولاتبني سعادتك ع تعاسة غيرك لأنه ظلم والظلم ظلمات يوم القيامة حتى لو كان شرع ..الرجل يجوز يعدد ولكن لابد من العدل ولا يعاقب ولا يأتي يوم القيامه شقه مائل ...مو معناه ربي حلله وخلاص نسرح ونمرح بعدين ....اقولك قصه وحده ماجاها نصيبها وكبرت وصار يجيها ناس مو مناسبين وابوها يرفض حتى وصل سنها 36 سنه وهذه البنت كانت طيووبه مررره سبحان الله ويشاء الله أن تتوفى زوجة ولد عمها وعندها طفلين وبعدها خطبها ولد عمها طبعا بعد سنه وولد عمها مثلها في السن شاب ...اقدااار وتزوجت منه وعندها عيال منه وربت اولاده وعيشه مبسوطه مررره 
    ياختي انتي ماتسابقين الزمن وتقولين انا كبرت وأخذ أي واحد ربي هو ح يكتب لك الخير دامك تومنين بالشي ونيتك عارفه رب العالمين وتعيش بقية عمرك بسعادة احسن ماتعيشي بقهر ومضارب 
  3. @ammoon0015

    نهر العذوبه كأنو ماكان متوافق معاها اصلا ولذلك خطب اكثر من مرة وكان بيطلقها بس خلاها مع عيالها وهي ماتبغى تترك بيتها لذلك مااعترضت على زواجه ولا اكيد الحزن والهم ولو مظلومه بتاخذ حقها يوم القيامه 
    وتجي هي وعيالها زيارة ويقعدون عند اختي وتعاملهم كويس بس قلتلك زوجهم حازم ولو وحدة منهم ممكن تخالفه واختي الحمدالله تخاف الله ودايما تحثه عليهم ولو محتاجين شي من هنا يطلبون منها واذا هي كمان تبغى توصي على شي من بلدهم تطلب منهم وابوه توفى وامه جابها عند اختي وهذيك الحين لقت نتيجة صبرها عايشه ببيت ملك ولحالها هي وعيالها وطبعا اكيد في مواقف تستدعي الغيرة بس الواحد يعامل الله اولا واخيرا 
  4. @tshtky_mn_hlaha

    شوفي انا زوجه ثانيه سابقا. كان مطلق وعنده ولدين. امهم اتزوجت وربتهم ام زوجي اتزوج وحده غنيه جدا واكبر من زوجي 11سنه عمرها 50 ومن سوء حظي  صرت انا الزوجه الثانيه وكان عمري 30   كان يميل لاولى كثير كان مايعدل يسافر معها يجلس عندها وقت اطول انا حياتي جحيم في جحيم والحمدالله انفصلت    اذا تبين تزوجين عشان الذريه اتزوجي لكن اذا تبين تزوجين عشان الحب  احتمال مايصير  لانه في حرمه قبلك وشاركته حياته قبلك وعنده اولاد يعني انتي حاله طاريئه    حطي في بالك راح تغاري لما بروح عندها وتتقطعي من القهر  ولا تخلين بينك وبينها لاروحه ولاجيه انتي في حالك وهي في حالها  ولاتتدخلك بيت اشرطي مؤخر شقه مستقله  انتي كوني زوجه صالحه وبس والباقي يجي من الله  يمكن يحبك ومايبغى الا انتي.   
  5. @smo_alaazyzh

    والله لوانا مطلقه اقعد بدون زواج ولا اخذ واحد عنده زوجه ليه ناقصه حروب الزواج اسمه استقرار وراحه نفسيه اذا فقدنا كل هالاشياء وش فايدة الزواج اما اللي مضطره عشان مايروح عمرها او عشان العيال مالومها لكن اللي تبي تتزوج لمجرد ان يكون عندها زوج ما انصحها وانا اتوقع مليون بالميه لو ان الحكومه موفره لكل مطلقه او ارمله بيت وجابره الزوج يصرف غصب عنه على عياله كان مافيه مطلقه فكرت تتزوج كلامي ماهوو لك يا صاحبة الموضوع اتكلم بشكل عام والله يكتبلك اللي فيه الخير

تابعي تجارب أخرى من هذا القسم.