تجاربكم مع قبل و بعد = فائدة و توفير في الوقت و الجهد
السلام عليكم و رحمة الله و بركاته
كثييير مرات نقاوم التغيير و ما نتشجع عليه
لان نخاف ما يضبط الموضوع
او بسبب الكسل
لكن مرات كثيرة لما نغير نندم اننا ما غيرنا من زمان
يريت نتشارك كلنا بخبراتنا في عادات او سلوكيات او حتى منتجات غيرناهابحاجة بديلة و نوضح ايش الفايدة الي استفدناها
و ربي يجعلها في ميزان حسنات كل من شاركت و فادت اخواتها
ببتدي انا
احب اقرأ القصص لبنتي الصغيرة و كنت اصرف مبلغ كبيييير عشان اشتريالقصص و في الاخير مصيرها تتمزع او الاولاد خلاص يزهقوا منها ...و كانت فعلا مكلفةو خاصة لو كانت بشكل معين و بصور و حركات تجذب الاطفال التغيير البسيط الي عملته وعمل لي فرق هو اني اعتمدت على الاستعارة من المكتبة العامة ...مليااانة اشكال والوان من القصص ...استعيرها لفترة و ارجعها و خلاص
اعتمدت على نوع صابون للملابس مكلف و كانت الشغالة تسرف فيه جدا بس مااقدر اغير لانواع رخيصة لانها ما تنظف تمام ...التغيير الي عملته هو اني قمت اخلطمثلا كوب من الصابون العادي مع كوبين من الصابون الزين و النتيجة حلوة جدا و توفيرفي الصابون .
اغراض العيال دايما عندي و أي واحد ينقصه شي يطلبني و اعطيه ( صابونجسم* شامبو *ادوات مكتبيه كريمات جسم*معجون و فراشي اسنان و غيره ) كان شي مزعجبالنسبة لي و خلاص ابيهم يعتمدوا على انفسهم و يعرفوا كيف يديروا امورهم.... غيرت الطريقة ...اعطي كل واحد كمية من احتياجاته المختلفة و اخصص لهمكان في خزانته بحيث تكفيه لمدة معينة و خلاص كل واحد احتياجاته عنده و ما عاديطلبني الا بعد فترة اقل شي شهرين ....طبعا هالطريقة مع العيال الكبار .
الاجبان اشتري جبن كريمي و جبن مثلثات ...الاولاد و الشغالة لو محتاجينيعملوا شندويشات يستسهلوا استخدام الجبنة الكريمية و يتركوا المثلثات ... اليعملته اني اخذت كمية من الجبنة المثلثات و اخلطها مع كمية من الجبنة الكريمية ومرات مع شوية قشطة و اعبيها ببرطمان تصير اسهل في الاستخدام . و طعمها لذيذ .
يلا شاركونا تجاربكم