صباح الخيرات 🙋
كنت جالسه ادردش مع بنتي وأسألها عن هواياتها وأمنياتها وحياتها ووو ..
ومن ضمن كلامها قالت لي ..
ماما أبغى أتزوج هههههههه
تفاجأت 😱 قلت وش تسوين بالزواج بعدك صغيره حبيبتي ان شاء الله بس تكبري بتكوني أحلى عروس 👰
قالت أبغى أتزوج رجال زي بابا بالضبط 👨
سألتها ليه زي بابا ؟
قالت أحب بابا مرررره وكمان ابغاه زي شكله وصوته وكل شي ويحب اللون الاسود ⚫️
اللون الأسود !!!!! ليه ؟
عشان بابا كمان بحب اللون الأسود 😅
الصراحه فاجأتني بأدق التفاصيل عن أبوها وش يحب وش يكره كيف لما يعصب وبس يهدى وش يقول وكثير أشياء تخصه ..
ممكن أنا ماحسيت زيها عشان أبوي متوفي وانا صغيره ونادرا افتكره ولولا وجود صور له ماكان عرفت شكله ..
بصراحه ياحواء سؤالي لك .. ⁉️
هل تمنيتي فارس أحلامك زي والدك ؟ وهل تحقق هالشي ام كان في أختلاف كبير بين شخصية والدك وزوجك ؟
شاركينا 😎 ..
شاركي في النقاش
سجلي الدخول لإضافة تعليق.
التعليقات
74- صباح السعاده 💕🌷
الله يرحم ابوك ويجمعك فيه بجنات النعيم ..
بصراحه ..
مافي احن واطيب واجمل من بابا
الله لايحرمني ضحكة عيونه ورضاه
ياما تحمل عشاني ووقف معاي بمرضي
ووقف بوجه مجتمع وجماعه عشان سعادتي 🌹
وانا صغيره ما كنت افكر بهذا الشي
بس الحين اتمنى لبنتي اب مثل بابتي
يسعدها ويسندها 💖
و بنتي تقول من الاخر بتتزوج ابوها وخلصنا 😂💔
الله يخليها لي واشوفها عروسه لافضل رجال الكون
ويخلي لك بناتك ويبلغك فيهم يارب 👸🎀
ولا حبيباً كأبي ولو بحثت دهراً 💞 - وأجمل ما فيك يا أبي شيب رأسك وتجاعيد وجهك تروي حكاية أخرى كانت أمي بطلتها أعشقك في الدقيقه ألف عام .
- موضوعك جميل ياجميله...
بصراحه لا...ابوي الله يرحمه كان جدا هادي..ماله صوت
وشخصيه باردة....الله يرحمه
وانا كنت بذاك العمر اقرأ روايات عبير..وكان البطل
يكون شخصيه عناديه...قويه . فولاذي...وله نظرة ساخرة.ههههه كان حلمي اني اتزوج واحد مثل هاذي الشخصيه...وتزوجت ..نفس الشخصيه ..سبحان الله
تدرين لو تزوجت واحد نفس شخصيه ابوي ماكان
عشت معه لحظه وحدة...بسب انو انا ..قويه جدا
وعنيدة جدا....وجاء اللي اقوى مني وروضني.
هههههه والحمد لله...
يعني بإختصار مابي نفس شخصيه ابوي ابدا
🌹🌹🌹🌹🌹🌹🌹🌹🌹🌹
ياعمري موضوعك رجعني للوراء كثير. - ههههه ياحليلها
ذكرتيني بنفسي يوم كنت صغيرة
سألتني أمي وهي تمشط شعري
قالت لي مين تبغين تتزوجين من اولاد خالك اذا كبرتي
لانا كنا واحنا صغار دايم نلعب مع بعض
وانا كنت بنتها الوحيدة فكانت تسألني كذا بس
عشن تحجزني له أتوقع ههههه
المهم قلت لها أبوي !!
وضربتني في راسي بالمشط ههههههه
عشن كذا السالفه للحين مانسيتها
وانا من كثر حبي لابوي قلت أبغى مثله
أتمنى يكون مثلة
وكبرت والصراحه الحمد لله على كل حال
مااخذت اللي مثل أبوي..
وترى اغلب البنات يتمنون أزواجهم مثل أبوهم للخطأ هالشي في اكثر من وحده
الا اللي أبوها يكون عصبي او ظالمهم
هذي أكيد لا ماتتمنى مثله ابد... كلاسيكية ذوق ههههه ياحليلها ذكرتيني بنفسي يوم كنت صغيرة سألتني أمي وهي تمشط شعري قالت لي مين تبغين تتزوجين من اولاد خالك اذا كبرتي لانا كنا واحنا صغار دايم نلعب مع بعض وانا كنت بنتها الوحيدة فكانت تسألني كذا بس عشن تحجزني له أتوقع ههههه المهم قلت لها…
لاحظت اقصد
اكتب من جوال
مواضيع مشابهة
تابعي تجارب أخرى من هذا القسم.