ورب الكون الي تعطيني حل مع زوجي لادعي لها ليل ونهار واتصدق عنها كل سنه بالي اقدر عليه باذن الله المشكله ومافيها زوجي الحمدلله طيب وحنون وماعليه خلاف بس بمواضيع الفلوس ينقلب فوق تحت مع انه مو بخيل المشكله اني من 5 شهور سلفته 1000 ريال عشان سيارته كانت خربانه وتورط وانا لا موظفه ولا شي اجمع لي كم ريال من مصروفي وابوي الله يخليه لا عطاني شي او عيديات المهم عدا الوقت ولا رجعهم لي وطنشت
البارحه المح له قلت له جوالي خربان مره والناس يدقون ويصير مقفل وهو عارف هالشي وجوالي قديم جالكسي اس 2 مايسوا من يصلحه قلت له خذ لي جوال قعد يضحك ويتمسخر ويقول لي ماتشمينه وكذا قلت له خلاص اجل جيب فلوسي وانا بزيد عليها وباخذ لي جوال علي طول عدل جلسته وقال لي يابنت الحلال ماعليك من الحريم وش لك بهالخرابيط انتي حرمه ام عيال وش لك بالموضه قلت له أقول لك خربان تقول لي موضه وانا ماباخذ لي جوال اخر موديل عشان اكشخ انا باخذ أي شي يمشي حالي ويوم شافني مصره تخيلو قط علي ال1000 كاني شاحذتهم وقعد يصارخ وانتي مافيك خير وماتحسين فيني وانا لو انكسر انتي اول وحده بتبعدين عني ودخل الحمام وسكر الباب بقوة انا قعدت ابكي من أسلوبه ويوم طلع وشافني قال لي خلاص بلا نكد قلت له ان ماسلفناك زعلت وان طلبناهم زعلت وش اسوي انا وحس علي دمه انه غلطان وعدا الموضوع ولا كانه شي صاير وهو راتبه 7850 وعنده قرض يدفع للبنك 1900 والحمدلله الباقي يكفينا ويزيد وماعندنا الا ولدين فليش كل هذا انا ماطلبت الا فلوسي وعدي الموضوع علي خير
الصباح لما جلس من النوم فطر ولبس عشان يروح شغله الا يقول لي وش صار علي الفلوس قلت له وش تبي فيهم قال لا بس حطيهم بالبنك لا يضيعون او تصرفيهم علي خرابيط قلت له علي امرك احسه قلبه حارقه انه عطاني إياهم ووده ياخذهم وانا محتاره وش اسوي له هو مايعطيني غير مصروفي الحمدلله مكفيني لكن مايعطيني أي شي جانبي حتي يوم نزلت الراتبين عطي امه وخواته وانا ولا شي ولا تكلمت وعذرته وقلت ماعليه والحين حاط عينه علي هال1000 كيف اتصرف معاه من جد قاهرني مره
ياريت تردون علي ياصاحبات الحكمه كيف اتصرف مع زوجي متعبني مره ولا يحب يشوفني ادخر او يصير عندي قرش
وشكرا لبنت عمتي صاحبه المعرف ربي لا يحرمني منك ويخليك لفعل الخير
شاركي في النقاش
سجلي الدخول لإضافة تعليق.
التعليقات
9- السلام عليكم ورحمه الله وبركاته
ماعليك منه اشتري لك جوال ووسعي صدرك - انتي الغلطانة لانه فلوس الادخار تكون ورى الزوج مو قدّامه حتى لو جمعتي الملايين
انا رغم انه زوجي كرييييم ومايهمه الفلوس دايما يعطيني الحمد لله بس عمري ما قلتله اني اجمع فلوس من ورآه - - فعلا فيه رجال عينه على ريال زوجته لو جيبه مليان
يحس انها ما تحتاج ولا له داعي تشتري والفلوس خسارة فيها
الموضوع اولا فهميه ان الفلوس حقك لو ترمينهم حقك
وقولي لو اجي واتدخل في فلوسك وش تشتري وش تسوي بترضاها
يالله يافلان وش اشتريت اليوم وعطني التفاصيل حقت سحب فلوسك خلال هذا الاسبوع
واذا قال انا رجال .. قولي ونعم الرجال الله يخليك لنا
بس بحسسك باحساسي لما تكلمني وكاني طفلة
انا الحمدلله كبيرة وعاقلة ومربية عيالك وماسكه بيتك
ومافيني اللي يخليك تشكك بقدرتي
ووقفي مع ابتسامه وانهي الموضوع ولا تكبرينه
ومن ناحية ثانيه لا تعلمينه بفلوسك ولو فرضا تبين تعلمينه مباشرة قولي الحمدلله اللي جابها لي كنت مزنوقه ابغى اشياء ومدري كيف اجيبها الدنيا غالية وهالعماله لاعبين في البلد كلش يزيدونه محد يدري
عنهم الا يا ابو فلان صدق كذا ارتفع سعره
ولفي عليه السالفة بشي هو يشتريه مثلا طماط او زيت سيارة او شي مرتفع سعره وخليه يسولف ويحس فعلا ان الدنيا غالية
اذا جيتي تتكلمين وتقولين محتاجه وابغى اشياء بيقولك ممكن وش تبين
قولي ابغى مثلا مكياج او عطور
بيقول وشوله ومدري ايش
حسسيه انك حريصة وقولي انا محدده لنفسي وقت معين في السنة اشتري فيه كذا وما اتعدى ميزانيتي
والمهم تكلمي كانك وحده راكزه ومقدرة الميزانية ومخططه فيها زين
بيحس انك مدبرة
كمان لو طلعتي للسوق ورجعتي بالذات اذا انت لحالك اشكي من الغلا وانك تدورين الزين والسعر المعقول
وانو اهم شي الخامه عندك لازم بتكرار الامر عنده يحس ان الخامه والجودة امر مهم
واذا قالك ما يفرق و و
قولي من يقولك الله يخليك .. انا اللي اغسل هدمتي انا والعيال واذا اشتريت شي خامته زينه ما انشق الركبة وبعضهم يجلس الين يكبرون عليه واتحسف فيه من شدة جمال جودته ومميز كلما غسلته يتجدد
وبعضهم من اول غسله يكب اللون ويبهت ويصير كانه مكدود طول العمر وهو بس مره وحده واصير بس استهلك واشتري وقدام الناس تصير هدمتهم قديمة وكاننا مقصرين عليهم وانت الله يخليك لنا ولا ييتيمهم ويديم عزك ودلالك لهم ما تقصر
المهم ابعدي عن الانتقاد بعشوائية ودائما فكري بالكلام قبل تقولينه
واذا حسيتي الموضوع انقلب لا تعصبين اسكتي وطالعيه الين يخلص كلام
ثم طالعيه وقولي الله يسعدك ما قصدت كذا فهمتني غلط ممكن تسمعني الين ابين وجهة نظري
عموما العصبي لا تقابلين عصبيته بعصبية او نفاذ صبر
واذا حسيتي الوقت غير مناسب وقفي مباشرة ترى اختيار الوقت من اهم الامور
ياما غلطنا بسبب عدم اختيار الوقت المناسب
ولو مختارين الوقت المناسب حصلنا نتائج رائعة - مالك اﻻ حل واحد يعطيك مصروف باي طريقه وخليه يفهم انك تصرفينه بسرعه ﻻنه لك منه وانك مطفره طول الشهر وانت اجمعي من غير مايدري ومع الوقت راح يتعود على وضعك
- ان شاء الله حلي يناسبك وتدعين لي
انا كنت مثلك نفس الطريقه حتى الراتبين فعلا اعطى
امه واخواته وابوه الا انا
وترى لو ضليت كذا بتنفجرين يوم
انا انفجرت من زمان بس ما اعرف كيف اتصرف
احس مستكثر علي يعطيني
والاشياء اللي يجيبها احس مايجيب شي غالي
وقلت هذا بخيل بس من جهه ثانيه
يعطي اهله وفلوسه تخلص معناته مو بخل
كنت اقول بس مستكثر علي او يمكن مستخسر
يدفعلي او انا ما استاهل زي كذا
علما اني عمري سلفته ومارجعلي
وصبرت معه ولما جاته شوية فلوس اخذ اهله
يمشيهم بها ولا علمني عنها
انصدمت ومرت اشهر كثيره وانا نفسيتي
تخرب وثقتي تروح
ولكن اكتشفت بعدين ان العيب مو فييييه
العيب بي انا وطريقتي
وعلى فكره انا ماكان يعطيني مصروف خير شر
المهم اول خطوه ابعددددي عن التجميييع
حتى لو فتره بسيطه لاتخلي بجيبك ريال
اكيد انتي من النوع اللي تقولي الاهم
وتتخلي عن بعض التوافه
انا كنت كذا وكان يحسسني ان اللي ابغاه
مو مهم انا كنت احس كذا
ثاني خطوه لما يعطيك مصروف
روحي معه لازم يكون معك روحي السوق
الصيدليه العطار اكتبي قائمه
وماوصيك اشتري اشياء بقيمه يعني
خلصي الفلوس وانتي ماكملت اغراضك
وقولي يوه كل شي غالي وهالشي مهم ولا اخذته
وهالشي مهم ابغى لبس لانو لبس البيت خلص
ممم وباسلوب حلو لو قال ماله داعي
قولي عشانك البس تستاهل البس لك من اغلى الماركات
وانتي وعيالك كذا لو لبسه خذي من اغلى شي
وقولي مايهون عليك نجي اقل من الناس
وحكيه تخيل مثلا فلانه تشتري اللبسه الواحده بالفين وزوجها مسكيييين يشكي
احمد ربك عندك انا الناس يحسدونك عليا
بس استاهل اخذ غالي صح
لاتحسينه تبذير لانها فتره وبعدين بطلي عادي
بس لازم التغيير عشان يتغير
لااازززم تسيرين مبذره شوي
عشان يتعود يصرف عليك كثير
وغير مصروفك اللي تاخذينه
اجلسي مره وحمسيه بسويلك احلى مساج
وفيه زيوت عطريه تجنن نفسي اخذها
ويوم اذا خرج وكان دوبه مستلم مثلا
دقي قولي حياتي تكفى جيب معك الزيوت
وقولي اساميها وترجيه بدلع تكفى تكفى
واذا جيت اعطيك قيمتها
من مصروفي واذا جابها
وقال هاتي الفلوس قولي صدقت ههه
ماراح اعطيك قوليها بمزح وسويله احلى مساج
ولاتدينه
يعني اطلبي منه غير مصروفك
اطلبي اشياء وخليه يجيب لك
ومصروفك بجيبك
حتى لايتعود ان كل شي باللي معك وانه بيكفي
ابداااا
نجي للجوال
والله ذكرتيني بنفسي يوم قلتي هات الفلوس
وزعل
انا مره اعطاني فلوس على اساس اشتريبها
اغراض للبيبي وهو اخذ مثلها
المهم خلص فلوسه ورجع قضى على اللي عندي
سوى نفسو محتاج واخذها وفلوسه لعب فيها
يعني هو ترى يحس الالف هو احق بها
منك
حتى لو هي لك
المهم روحي اشتري الجوال ولاتفكرين بردت فعله
ولا تقصرين على نفسك وتاخذين واحد مو عاجبك
عشان الفلوس يعني اتسلفي من امك مثلا
وردي لها لمما يعطيك مصروفك المرا الجايه
وخلي هذي البدايه
بداااية تغيرك
صح بالبدايه بيكون زي ماهو بس مع الوقت بيتغييير كثيير وانتي بتتغيري
انتي شكلو مقصره على نفسك
في اشياء تحسينها تافه
لا ياماما لاتحرمين نفسك حتى التوافه
ومعه حتى لو ماببالك شي اخترعي شي
واشتريييه هذا علاجه
والله العظييم اني الان مرتاحه
لان زوجي تغير بس بعد ما انا تغيرت
مواضيع مشابهة
تابعي تجارب أخرى من هذا القسم.