امس كتبت موضوع وانحذف عن زوجي وسالفة جدته ام امه

يالله رحمتك معقول في بشر بهالعقليه!!

حبيبتي تعوذي من الشيطان
لا تخلي تفكيرك وهمك الزايد يأثر على علاقتك بزوجك
زوجك بتحز بخاطره انك متفشله منه وخايفه علا عيالك من العياره
انتبهي من ذا الشي بكرا تتغير معاملتو معك
الموضوع انتهى انتي دحين زوجته وام ولده ان شاءالله
ارضي بنصيبك وعيشي حياتك ومافي شي يسوا

يا أختي ما أدري أنت نفسك اللي سبق كتبتي موضوع قبل فنرة


عموما النسب من جهة الأب المهم زوجك لأن أولادك يبي ينسبون له

ويا الغالية أبيك تسمعين مني كلمة لا تلومين الناس في الاهتمام بالنسب

النسب واحد من أغراض الزواج مثل الجمال والمال و.... لو خطبك واحد فقير أو شكله قبيح ممكن ترفضين ولا تلامين هذا مثل هذا

الناس في الدين كلهم واحد لا فرق بس في الدنيا ما أحد يلزم أحد بشيء كل يختار اللي يصلح له

وعموما ياما رجل ماهو ذو نسب وأفعاله خلت له نسب

أنا رديت عليك بموضوع السابق
وقلت واجهي أبوك و أمك قولي زوجي كان صريح معكم من البدايه و لا خبى شي
و وافقنا كلنا ولا أعترضنا الأن بعد ماتزوجت تقلبون عليه بسبب أنه وحده عرفت بالموضوع !!!!
قولي هذا زوجي وتاج راسي وما أسمح لأحد يمسه بكلمه ولي مايتشرف فيه لا يقابله هو غني عنه ....
لازم يكون لك مواجهه معهم و ردة فعل أذا أنتي يهمك أمر زوجك

قلتيها بلسانك أبوك رمى عليك الكلام و راح يعيش حياته
وكل شخص بيتكلم مثله و بعدها بيروح يعيش حياته ولا بينفعك الهم و الحززن ولا أحد منهم بينفعك
غير زوجك فقط لذلك حافظي عليه وخلي كلام الناس أخر همك و أن سمعتي أنتقاد وقفيهم عند حدهم

لازم تثقين بنفسك و لا تكوني ضعيفه بهالمواقف
و أصحك تجيبين طاري لزوجك تراه بيقلب عليك قلبه ماراح تعجبك لذلك لا تذكرين له شي من هالتفاهات
لأنه أول و أخر من بيخسر هو أنتي
رجل طيب و حنون و أخلاق و مو مقصر معك بشي تجلسون تحاسبونه على نسب جدته لا و هذا بعد ما كان صريح
معكم ولا غشكم هذا جزاه !!
عيشي حياتك و وقفي بوجه كل من يحاول يمسهم بكلمه