اسباب انتشار المسيار بهالشكل ...!

تقنيه الله يوفقك ويرزقك الزوج اللي يسعدك 
صدقيني ماتظمنين عن طريق خطابه او موقع بيجيك المترديه والنطيحه اذا فيه مرض اوعيب او فشل اكثر من مرة 
ماراح تعرفي عنه شي ادعي الله بإلحاح 
وحافطي على شروطك دايما زواج معلن مكتمل الشروط حتى لو معدد لازم يجيب اهله واشرطي زوجته تعرف 
وحدة كتبت قبل فترة لها ثلاة سنوات وزوجها مو قادر يصارح زوجته واللي مثل هذا ماينفع للتعدد. التعدد يحتاج عقل وحكمة وعدل مو انسان عاطفي اذا زعل على زوجته طلق ....

اوركيد صدقيني انا مره سمعت شيخ باذني فالقناة الاولى ومابي اقول اسمه عشان مايقولون تشهير وكلام فاضي دقت وحده قالت انا تزوجت مسيار بدون علم اهل الشخص وظروفي اجبرتني على هالزواج ولي سنتين وحاليا احاول اقنع زوجي انه يعلن وهوو رافض رغم ان الموضوع ماكان هامني فالبدايه كنت ابي اتزوج وانتستر لكن الحين لحاجتي للامومه ابغاه يعلن قالها الشيخ دامك مرتاحه معه والشخص كويس وفيه خير ماهوو ضروري يعلن لانه ماسوى شي حرام ولانك انتي اللي رضيتي بهالشرط فالعقد فماتقدرين تغيرين رايك بعد هالمده وهوو من الاساس ماجبرك توافقين لما تزوجتيه يعني بالعربي بعض المشايخه عندهم انه عادي يكون فالسر طالما الحرمه راضيه وهالشي استغلووه الرجال فصالحهم واولهم المشايخه البعض وليس الكل والمفروض يعيدون النظر فهالزواج لان معناه عكس اللي نشوفه الحين اول الوحده تظطر تتزوج بهالطريقه اذل كانت ام ايتام او عندها شيبان ماتقدر تترك فتتزوج ويصير يسير عليها فبيتها برضاها لكن اهله وزوجته يدرون وتكون برضاها مستغنيه عن الليله حقتها وعن نفقتها انا ابوي متزوج الثالثه جارتنا كانت ارمله وعندها عيال تزوجها وصار يسير عليها لكن مالها ليله زي امي وزوجته الثانيه وهي وافقت على هالشي يعني ساكنه فبيت زوجها اللي توفى ومع عيالها وابوي يروح لها كل صباح للفطور فقط ويتقضى اغراضها وجابت منه عيال وصارلهم سنين متزوجين لكن لحد يومكم هذا مالها ليله لانها موقعه على هالشي فالعقد وراضيه فيه لكن فالنهايه زواج معلن

من شان كذا ي سمو العزيزه

متحطمه وجايتك نفسيه من زواج المسيار .... وإذا ابوك تزوج وتعقدتي مو مشكلة شعب كامل مع علماءه يسمعون لك خخخخخخ 


زواج المسيار .. بكيفهم الرجل والمراءه يحطون الشروط الي يبون تتنازل عن النفقه عن المبيت عن حلالها له .. حرره بكيفهااا ليش محروق دمك ليكون زوجك يبي يأخذ حذو ابيك وابلشك بالمسيار وإنتي غصب تبين تطلعين ان الزواج المسيار حرام 

علماء اخذو شهادات وحفظ القران وتفسيره والاحاديث وتفسيرها واجتهدو ويطلعون احكام تناسب كتاب الله وسنة نبيه عليه الصلاة والسلام ..... 
زواج المتعة محرم وزواج العرفي محرم لانها سقطت فيها احكام العقد ...


تجي وحده مثلك ماتملك غير شهادة ابتداىي وجهل وقلة ثقه بالرجال حوليها وخوف على زوجها وخوف من اعادة الماضي ... تتكلمين على علماءنا وأحكامهم ... 


أتمنى من الادارة وقف اي عضوه تأديبي اذا سبت علماؤنا ومشايخنااا الكرام ... 

سمو الذليله خخخخخخخ ليكون انتي شيعيه شاده حيلك بالمسيار تذكرت واحد من الشعيين ناقشه الدكتور والشيخ الفاضل محمد العريفي عن أمور الشيعيه ويبي يفهمه والغبي الشيعي بس ماسك زواج المسيااااار خخخخخخ ومع ذالك العريفي يشرح له وهو ابله عبيط لا حياة لمن تنادي 

انتي بالمواضيع هذي نفس هذا الشيعي .... 

فعلا كلامك صح اذا حلال ليش بالخفى
سمعت مره فتوى لابن باز الله يرحمه حرم زواج المسيار لان شروطه مشابهه لزواج المتعه اللي حرمه الرسول محمد
يعني بالله اللي بتتزوج مسيار وش تستفيد الزواج المعلن اكرام للمراه بس الانثى تحب تهين نفسها

زواج المسيار مايفرق غن العرفي او المتعه
لانه كله تفريغ شهوه فقط
بتقولين هذا يجوز
الاسلام اكرم المراه ويجون بعض الرجال ويهينونها
من العلماء اللي احلوه اللي طالعين ذا الفتره يفتون
ارجعي للعلماء الكبار واساليهم ولاواحد افتى بجوازه شوفي فتاوي ابن باز وغيرها
كلهم اتفقو انه زواج لمتعه الرجل واهانه للمراه مالها شروط ومالها حق
زواج منتهي بالطلاق وش بيكون
نيه الزواج الطلاق اذا الزواج حرام
ونسيت شغله لاتتشمتين بسمو وترجمين كلام لان الدنيا دواره
ومن عاب بشي ابتلي به
صاحبه الموضوع كرامتك افضل من انك تاخذين مسيار او معدد انتي توك بنت والمستقبل قدامك