سر اللقيمات المقرمشه لوقت طويل..

السر في نجاح اللقيمات وقرمشتها
هو القلي اقليها مرتين اقليها مره وطلعيها ثم اقليها مره ثانيه وحطيها في الشيره
 طبقوها 
 وادعو لي......

المقادير
2 كوب دقيق سعودي فوم افضلة اكثر من الكويتي
1ملعقة كبيرة حليب بودر
2 ملعقة كبيرة نشاء
2ملعقة كبيرة كاسترد
1ملعقة صغيرة سكر
1ملعقة صغيرة خميرة
1/4ملعقة صغيرة ملح
1/4ملعقة صغيرة بكنج بودر
1ملعقة كبيرة زيت
كوب وثلث ماء دافى
حبة سوداء + دبس التمر او عسل الفضل من الشيرة
المعيار كوب الجبن السائل
الطريقة
الخلطي المواد الجافة بعدين حطي الزيت و الموياء
واعجنيها تقريبا5 دقائق
وخليها ترتاح ساعة
بعدين حطي الزيت على نار هادئة لمدة عشر دقائق
بعدين زودي النار شي بسيط ونزلي الهواء اللي بالعجينة
وحطيها بزيت وخليها شوي تمسك
بعدها قلبيها لحد ما تتحمر
وبعدين نزليها من الزيت على ورق نشاف
واول ماتنزلي الدفعة الاولى من اللقيمات قصري النار تحت الزيت عشان
الدفعة الثانية ماتحترق عليك وتطلع معك ذهبيها نفس الدفعة الاولى

عمري ماقد سويتها ولاتعجبني

نفس حقت امي 👍

رفع لها الموضوع الحلو حتى لو قديم 😍

انا جربت عجاين كثيره للقيمات ماضبط معايه الا الخليط الجاهز لقمه القاضي من فوستر كلاركس
واحيان اذا ابغاها مقرمشه وقت اطول بعد مااطلعها من الزيت ارجعها مره ثانيه بس قليه سرررريعه وتصير مرررره لذيذه