السلام عليكم
مرحباا ومبارك عليكم الشهر
يا بنات ولدي مطفشني في العناد وطولة للسان الحين بما انه شهر رمضان لازم ليليا بعد الفطور اطلع اروح بيت اهلي اطفش لو اقعد في البيت بذات في رمضان لازم اطلع وخواتي ليليا يجون نجتمع ويصير ولدي ويه ولد اختي وتنقلب الغرفه اللي نقعد منهم ساعه هواش وضرب في بعضهم وعشر دقايق يتصالحون وهذي حالتنا وياهم بس امي حاستنها طفشت منهم تطلع تروح تقعد في مكان بروحها منو نفس حالتي وولدي مو صغير عمره 5 سنوات افهمه قعدت كم مره وياه ما في فايده وياه ما يقعد 5 دقايق مكانه الليله عاد ضربته ضرب حتى خواتي سحبوني عنه ابي حل لو بس يهدأ شوي
شاركي في النقاش
سجلي الدخول لإضافة تعليق.
التعليقات
12- ولد ككل اﻻطفال اشغلي طفلك جيبي ورق والوان وخليه يرسم ويلون مع ولد اختك او افرشي سفرة وهاتي صلصال يلعب مع ولد اختك افتحي التلفزيون على قناة اطفال وخليهم يتابعون القناة او اعطيه جوالك يلعب ساعتين فيه حاولي تخلين وقت نوم ولدك روحتك لاهلك عشان تقدرين تتقهوين براحتك
- حبيبتي ولدك كبير ويفهم العيب والغلط بس لا تتعاملين معاه بعنف بالعكس الضرب يزيده عناااد شووفي مفتاح ولدك وتعاملي معاه علي أساسه مثلا يموت بالاجهزة والايباد وهالخرابيط بس يسوي مشاكل اسحبي منه جهازه يوووم كامل لو تشوفينه يتقطع لا تعطينه إياه اوو مثلا اذا يزعل لما تطنشيه خلاص لو سوا مشاكل ازعلي عليه ولا تكلمينه وكذا يعني تعاملي معاه علي أساس وش تشوفين ياثر فيه وبعدين طالما عمره 5 سنين علي الأقل مره خذيه معاااك ومره اعطيه ابوه تراه كبير وحتي لو ابوة بيطلع لاهله او ديوانيه او مكان عادي ياخذه معاه هذا افضل حل
- ماكسر خاطري الا امك
خلاص اتفقي انتي واختك اذا اليوم بتزورين امك هي لاتجي
واذا هي جت انتي لاتجين
علشان امكم ارحموها - قلتي مايجلس
فرط حركة? - طيب هو صغير مايفهم انتي افهمي انو ازعاج لأمك وحسي فيها ولا تروحي ليليا او اتفقو انتي واختك يوم لك ويوم لها ارحمو امك ترى الدنيا تدور وتصيرين في نفس الموقف
مواضيع مشابهة
تابعي تجارب أخرى من هذا القسم.