كنت مطلقة وعندي بنت وتزوجت وانا في عذاب

الله يفرج همك يا اختي ويسهل امورك ويخليلك بنتك

باين انه مايبي ياخذ لك بيت بس اذا كنتي تبينه
شوفي غرفة فاضيه عند اهلك وبعيده وخليه ياثثها لك ولبنتك طبعا لاجاء لاتدخلينه للغرفة خليه يوديك فندق وروحي لأسواق معه فضي البوك
وخليه يحط لك مصروف شهري ويملا براد اهلك اكل
كذا تضمنين غرفة تريحك من شقاء الدنيا
وهو تعتبرينه فتره نقاهه وتنزه وأسواق
واذا كنتي تبين البيت فاغسلي يدك منه
هاذا عادي عنده يطلق لا ومرتاح يشوفك تاكلين حبوب منع حمل عشان كذا رجعلك مايبي مسؤليه بزران وبيت
لانه لو طلق عارف انه ماراح يلقى وحده ترضى بدون بيت وتأكل حبوب
والله يعينك هاذا رأيي
وإنتي ادرى بضروفك ووضعك

انا اقولك اصبري ترى الرجال مايحبون الزززن طولي بالك شوي ولاتقعدين كل شوي تقولين طلاق طلاق انت الخسرانة توكلي على الله وهدي الامور وتنفرج باذن الله واكسبيه وشوفي اخرتها معاه الله يسخره لك بس لاتستعجلين واكسبييييه قبل كل شي

طولي بالك عليه اذا تشوفين شخصيته حازم وعادل جيبي له الولد ينفعك ماتخسرين شي وبيجي اليوم اللي يحط لك البيت لك ولضناك اكسبي قلبه اول شي بعيد عن الزن والتهديد والله يسخره لك يارب ويحقق لك امانيك 🌻

غريب اللي ينصحوها بالصرف ..
لو تصرفت كذا معناه هو مماطل و هي مادية
الحياة مو كلها فلوس الاستقرار اهم
وش ذنب طفل تخلفه يتربى بدون اب
تضمني لا سمح الله ان طلقها بيسأل عن ولده او يصرف عليه ؟
الولد تربيته اصعب بكرة بيطلع للشارع و يواجه امور كبيرة بحياته
مسألة السكن كل من تساهلت فيها من البدايه نتيجتها المماطله
سواء بكر او زوجه اولى او ثانيه
بدليل اللي ساكنه خمس و عشر سنوات مع اهله ولا جاب لها بيت
الزبدة كوني صريحه
قولي له يا فلان الملسمين على شروطهم
انا باقيه عليك و شاريتك ان لك رغبه فيني شرطي توفر لي سكن يلمني
حسسيه انك متضايقه او الناس بدت تتكلم عليك ولا تطلعي معاه لين يوفر البيت
و راح يبين وقتها صدقه من كذبه
اما سالفة اهلكيه بالصرف مطاعم و سفرات الحمدلله اتوقع انك شايفه خير
مو محتاجه تمشي معاه بالاسلوب هذا
لو شافك كذا بيقول ما همها البيت
همها تطلع و تصرف و تعوض الحرمان
و الراي رايك في الاول و الاخير ..