اش رايكن ي خوات جد مقهوره

السلام عليكم
كل عام وانتن بخير ياارب
بقولكن مشكلتي لي يومين متهاوشه مع زوجي من عطلت وانا اترجااه نروح نتمشى واخذ عمرره ومرره ساحب علي قبل كان ماعنده شئ وعاذرررته وكان يبني بيت ودفععت معه حول 300 الف والعام شريت له سياره قسم بالله محوله له 120 الف ي ربي احس اني مضروبه ع راسي لما اتذكر، اللحين خواتي مسافرات والهدايا فالعيد الذهب والدلع وانا حتى عياله اشتري لبسهم ﻻحول وﻻقوة اﻻ بالله ،ندمت اني متزوجه بالاسم والمشكله يقول ع حسابك تتروحين انا مامعي شئ كل شئ ادفع فيه حتى نفسي وعيالي ي دوب المطبخ والصيدليه متكفل فيها ، وامي تهزئني انتي طايح حظك ورى ماتطلعين وتمشين مثل الناس حتى اهلي مايتركني عندهم واذا احتااج احلى من العسل وبعدها يسسحب واحمدي ربك الريجيل ياخذون الثانيه وانتي لحالك .
تكفووون من اليوم ابكي وش اسوي

23 تعليق 4,332 مشاهدة

شاركي في النقاش

سجلي الدخول لإضافة تعليق.

التعليقات

22
  1. مدري شقولك احس مافيه شي ينقال انتي جاوبتي على نفسك لكن الله يفك كربك واذا ع الطلعات فيه ناس ماتطلع بالشهور فحمدي الله ع كل حال
  2. @lmyaaa_48

    مزعله نفسك عشان طلعه . !
    مشآكل الناس الي غيرك آكبر من كذا
    احمدي ربك دامك مرتآحه معه
    تقبلي مروري
  3. @khlstoa_alasamy_1

    المشكله ياقلبي مو بالطلعه من البيت ثلاثة ارباع الحريم الله مبتليهم بضبان ماعندهم احساس يحسون بان هالآدميه مثلهم تبي تطلع تشم هوا وترفه عن نفسها شوي بس انتي مشكلتك براتبك اللي تعطينه وتشترين له سياره وهدفعين معه في التعمير وطلبات العيال ليش ياحبيبتي انتي كذا افسدتيه وطمعتيه فيك وما اثمر فيه استغلك ابشع استغلال انتي الحين تفكيرك بالتمشيه
    والله كان قلت لك ادفعي وروحي اعتمري وزوري وانبسطي انتي وعيالك وبالنهايه كم بتدفعين يعني
    اكيد مابتدفعين مثل اللي دافعته له حلال زلال بسياره وكمان تشاركيه بالتعمير والبيت باسمه كمان
    سيبك من موضوع التمشيه وخلك بفلوسك الحين
    كل هذا وماكتشفتي انه نذل ومايثمر فيه شي وقاعد يستغلك وباي حق تشري له سياره او تشاركيه بالتعمير مين الرجال انتي ولا هوه
    تراني انقد حتي زوجة اخوي مسلمته صرافتها وليتها على حشمه لكن يده فيها يضرب وحتي شرفها اتهمها فيه
    هوه اخوي وهي غريبه عني لكن كلمة الحق تنقال ظالمها وهاينها قاعد يستغلها وهي فاغره وكأنه مالها غيره يلمها من الشارع لييييش الحرمه تهين نفسها وتطمع الرجال فيها وبعدين تجي تشتكي وهي سبب من الاسباب اللي خلته يسوي كذا معها
    الحين اول خطوه تسويها احفظي حقك روحي خذيلك ارض او عماره وخلي راتبك كله اقساط لها وبقي شوي منه حتي لو ماسار يعطيك تاخذي لنفسك منه او لو تخلى عنك يوم من الايام الله لايقدر بس الرجال مالهم امان والباقي زي ماقلت لك ووقتها هوه بيئس من راتبك ينساه غصب عنه ويقوم بواجباته مضطر خلاص راتبك بحححح والله يهديه ويسخره لك يارب
  4. @ord_aaody

    لاتدفعين له منتي ملزومه بعدين تندبين حظك
    فلوسك اشتري لاهلك فيها لنفسسك منجدكم انتوا تعطون الرجال مبالغ زي كذا !!
    الله يهديك بس انتي اللي جبتي الهم لنفسك
    فلوسك من يوم ورايح بجيبك روحي تمشي مع اهلك وصديقاتك ازين لك

تابعي تجارب أخرى من هذا القسم.