شوفوا من طلعت جارتي !!! / قديم

والله موقفك صعب جدا طليقك ساكن في نفس العماره مره صعب وراح يشوفك انتي وزوجك وانتي داخله اوخارجه من العماره
ويمكن تصير مشاكل بينك وبين زوجك بسببه لازم تقولي لزوجك ماتخليه يعرف من الناس وتحاولو تنقلو من العماره حتى لو تعبتي فيها ماينفع تجلسي في العماره بعد كذا
وكمان ام طليقك واخته كل شوي داخلين عندك ياقوة عينهم والادهى يروحو لامك ويتشرهو ليش ماتنادينهم !!!! نصيحه لا تدخلينهم بيتك بعد كذا ولا تحتكي فيهم لا يخربو حياتك
مع زوجك الله يعينك ويفرج همك

لازم يدري لانه وضع صعب لاشافه او عزمه اوسلم عليه وبعدين تمدحين الشقه حسبتها ملك لكم تلقين غيرها كثير ابعدي عنهم صدقيني بيوجعك راسك وموقف امك وجدتك صراحه عجيب ناسيين وش سوواو فيك مو معقوله امك صراحه

حبيبتي أنا مع كلام أمك
مدامك متزوجه واحد ومعززك ومكرمك
لاترجعين للماضي الماضي بيحبطك وبيحبط شخصيتك
تطلقتي لأسباب ومانجح زواجك معاه والأن تزوجتي شخص ما شاء الله أفضل منه
ف ليش تبكين وتدمرين نفسك وتغيرين مكان بيتك وهوا عاجبك
إعكسي واقعك الي إنتي عايشه فيه إرمي الماضي لأن الحاضر هو خيره لك
فالاتعشين العذااب نفسي وتقدرين تقدرين وعندك القدره إنك تطلعين من هذه القوقعه
وتطلعين لهم بشكل غير شخصيه وثقه وإبتساامه

أولا زوجة طليقي من أخر زيارة قبل لا تسكن أخته وقبل لا أسافر شفتها وبعدها لا شفتها ولا أدري عنها لكن رقمها عندي ورقمي عندها وقتها ماكنت ادري انها زوجته ولا هي تدري وللامانه زوجته أفضل مليون مره منهم لكن تظل زوجته وتاخذ حكمه .
بنسبه لامه وأخته مادخلوا بيتي الا مرتين اول مره يوم فجعوني وثاني مره يوم أمي عزمتهن . ومن بعدها لا اقبل عزايمهن ولا اعزمهن ولا شي .وتتشره أمه بين الحريم لكن الحريم عارفات وشي طبيعي اني مااستقبلهم وهم من سكنوا بعدي ونقالت لهم بمجلس لكن وش تقولين في برادت الوجه .
زوجي أنتظر الفرصة المناسبة اللي يكون عندي وأكلمه الان منشغل مع واحد من عياله تعبان وهو وزوجته حالتهم حاله من مستشفى لمستشفى الله يشفيه . حتى أيامي سمحت له فيها لين يطمن ع ولده وأنا عند هلي .
وخليت العمارة يشبعون فيها .
بنسبه للنقل بتكون صعبه ع زوجي .لكن بحاول فيه .
زوجي ماشافهم ولا يعرف رجالهم بس جارنا اللي ساكن جنبنا فقط.
بنسبه للي تقول عادي لاوالله مو عادي وأخر زيارة لهن قلبتها دقات في أمه واوريها كيف كان حالي مع ولدها وكيف حالي اليوم .لاني وصلني اني يوم قبلت بمتزوج ضحكوا علي اني ماخذاني غير متزوج ! وسبحان اللي ماتزوجت بنتهم غير متزوج.
والهدايااللي جابوها اعطيتها امي تتصرف فيها .وماادخلهم بيتي ومجرد ماالجرس يدق افتح الكام واشوف من عند الباب وماأفتح لهن .
وحده من أخواتي قالت اذا جنك هزئيهن وسمعيهن كلام يسم البدن وأطرديهم .لكن لا هذا الرأي وهذا التصرف صبياني .

حاسه فيك
موضوعك صعب بصراحه
لكن انتي اعرف بزوجك اذا تحسين انه متسرع ويعصب بسرعه فلاتقولين له شي عن طليقك
واذا انه من النوع الهادي علميه احتياطا


او حاولي تقصين له قصتك ع انها قصة صاحبتك وشوفي اش ردة فعله هل الافضل تقولين له او لا


وبخصوص جيرانك انا رايي عكس امك الباب الي يجيك منه الريح سده واستريح


لاتعزمينهم ولاتدخلينهم بيتك ولاتظهرين لهم سعادتك او شي من حياتك ولاتروحين لهم


وقفلي بابك عليك ومالك ومال الجيران الي كذا