عروس ان شاء الله ليه مو مليونيرة

وعليكم السلام ورحمة الله وبركاته
بصراحة انتي مو طبيعية
ليش تفكيرك سلبي
ابوك وامك واخوانك مو دايمين لك
بكرا بتعضي اصابعك ندم لا ولد ولا تلد
راجعي نفسكوتزوجي وتوكلي على الله

بس الفلوس ماتعوض عن الحب وماراح تكوني سعيده وانتي بلحالك من دون شريك لحياتك بصراحه عاد احلى شي تجي مع بعض فلوووس وزوج حنون ومرهف المشاعر

اول شي اسمحي لي أقول لك طبعا انتي انانية ومتطرفة جداً في تصرفاتك وقد يكون فيك كبر علشان كذا ما تتخيلين تتزوجين شخص يشاركك في الحياة وتخضعين له في بعض الأمور

مع انه مو شرط تخضعين انتي له يمكن هو يخضع لك وتجين تشتكين زوجي ما عنده شخصية

ترى الحياة أخذ وعطى ، وإذا كل تفكيرك اخاف أخذ واحد يتحكم فيني فإسمحي لي لسى عقلك ما نضج تفكير مراهقات ، المشكلة النماذج اللي قدامك في بيت اهلك ممتازة بس مدري ليه هذا التفكير التشائمي وليش ستتبقين الشر وتجذبينه لك

قوي ثقتك وايمانك بالله وفرحي اهلك و ماراح يصيبك الا اللي ربي كتبه ل

اولا كلكم وحده وحده على راسي ومن جد ارتحت يوم كتبت لكم وافكر في كلامكم
ثاني شي فهمتوني غلط على الفلوس انا اقولها من باب المزاح فقط وان كنت احب اني اكون عندي فلوس بس شي طبيعي ان الفلوس عمرها ماتغني عن البشر مو بس الزوج
وكمان قلتلكم والله الشعور اللي جواتي قوي ومو بيدي والله العظيم شي اقوى مني لاني اتمنى يكون عندي اطفال واحبهم حيل وكمان تراني رومااااااانسية لابعد الحدود بس مدري وش فيني
وترى انا والله مو مغروره ولا انانية ولا شي ممكن اكون انانية لاني ماافكر بشعور امي وابوي فهذي انا انانية لانهم هم ممكن يضحون باي شي عشاني انا واخواني وانا لا عشان كذا كتبت الموضوع لاني افكر اذا تقدم احد بعد كذا اوافق واخليهم هم يتخذون القرار واللي يشوفنه بس هم مهم راضين يسوون كذا
وترى عن الثقة والايمان بالله انا لو مو مؤمنه بالله ماحطيت اتكالي عليه لان اللي اشوفهم والله اصغر منى وحالتهم النفسية صعبة لانهم ماتزوجوا بس انا عارفة وموقنه ان اللي الله كاتبة لي بيصير زواج او غيره واذا جاء نصيبي راح اوافق وانا مغمضة عشان كذا مو مهتمه ابد لان الله بيختار لي الاصلح باذنه سبحانة وتعالى
والاخت اللي تقول برود منى او ايش والله بنات خالتي يقولون انتي ماعندك قلب ولا تحسين مافي مشاعر ولان بعض الناس ترمي علي كلام وانا ارد بهدوء بس رد مسكت هم لا يبوني اصايح واسب على قولتهم اشرشحها يكفي اني افحمها بالكلام وبس ماتقدر ترد علي بعده بحدود الادب
وكان ان اذا كبرت محد بيشيلني والله مو شرط فيه ناس عندها الخير ويرمونها وفيه ناس لا يعني فيه كذا وفيه كذا هذا ماله خص بالزواج او غيره وحده قريبة لي كان عندها 4 صار عليهم حادث وماتوا كلهم الا هي والحين هي ساكنة في بيت جنب اخوها وهو يدفع الايجار ويصرف عليها وكافيه خيرها شرها وعيالة مايقصرون معاها يعني هذا الشي قدر من الله انه يصخرلك زوجك او عيالك او اهلك او الناس اللي حولك

انا معاك اني انانية من جهة اني مافكرة بامي وابوي واخواني اللي يبون يشوفوني عروس بس شي ثاني لا ومثل ماقلت بالعكس انا مااحب الرجل البارد لان هو اساس البيت ولازم يكون له كلمة في الحق والمنطق مو تزمت بكل شي بس اهم شي كلمتي تمشي وبكل شي الحياة اخذ وعطى ووالله مو مدح بنفسي بس الكل يشهدلي بان عندي حكمة بالتعامل مع الاشخاص وهذا بكل الحياة مو الزوجية بس وممكن تفكيري شوي تشائمي لان الوضع اللي اشوفة يدمي القبل بين المتزوجين واكيد هم مشتركين في عدم فهم الزواج بمفهومة السامي وانا مااستبق الشر بس اجهز الدواء قبل الفلعة
وكمان اشكركم بنات على تفاعلكم معاي وجزيتم عني كل خير يارب يسعدكم دنيا واخرة