الحنه وعمايلها ياليت الكل يدخل .

مشكوره ماتقصرين
بس انا شعري مصبوغ اطرافة الصبح نزلت من سنين بس فيه خصل فاتحه خفيف ودي استخدم الحنا عشان يقوي شعري ويطولة بس احب درجات الشعر البني الفاتحه وماادري كيف تصير وانتي قلتي تقدري تتحكمي بالالوان
بالله اذا مجربه يكون لون فاتح افيديني جزاك الله خير
واتمنى اللي جربت ترد
وهل ينفع احطها اذا استخدمت زيت حشيش
ربي يسعدكم

انا مشكلتي شعري به شيب لازم اصبغ وان حطيت حنا صار برتقالي مد ري وش اسوى

والله الحنا كنززز صرااحه وبلا صبغات وبلا همواللهماستفيد من الصبغات شي غير اللون فقط بس بعد فتره الشعر يبدا يطيح ويتكسر ويصير خشن زي الليفه ، و عنايه هاك الشهور تروح بظرف شهر كله عشان هالصبغه لابارك الله فيها

انا طريقتي في الحنا ازيد لها سدر يعني احط نص مقدار الحنا لو بعجن مقدار كاس مثلا حنا احط معها نص كاس سدر وهكذا

اعجنها بمغلي اعشاب

الاعشاب الاساسيه هي ميرميه - بابونج - شاهي - اكليل الجبل - الحبق ..

واتركها تختمر من ساعه ل 5 ساعات

وعند الاستخدام احط معها زيت براشوت جوز الهند

وانبوله مستخلص الصبار

بيضه

ملعقتين خل تفاح

واكون مزيته شعري قبل بخلطة زيوت

ثم اوزعه ع شعري من الجذور لين الاطراف مع مساج من 2د ل 5 د

واتركه اقل شيء ساعتين واكثر شي 6 ساعات

مرتين بالاسبوع وبعد شهر شوفوا كيف الشعر بيثقل ويخف التساقط وتمتن الشعره حتى الشعره تمتد

اللي تبي شعرها ينفرد تحط مع الحنه ملعقتين كثيراء منقوعه بماء حار لين تكون مثل الجل

طبعا اللي شعرها كيرلي بينفرد وبيوضح معها مره





احيان احط مع الحنا بالاضافه لمغلي الاعشاب شوي من مغلي البصل والثوم والحلبه

والنتيجه فوريه خاصه للي شعورهم تتساقط بشكل رهيب يوقف التساقط باذن الله

بس الريحه شوي تبقى بالشعر لذاا انصح بالبديل عنه وهو يضاف عند الععجن شوي من عصير الجرجير اشوف هالطريقه عطت نتاائج نفس مغلي البصل والثوم والحلبه





ملاحظه اللي شعورهم دهنيه لايزيتون الشعر قبل الحنا ولايحطون بيض ابد

البيض والزيت للي شعورهم جاافه فقطط

والخل ضروري يعطي لمعه للشعر سبحان الله يصير مثل المرايه وبرضوا يزيل القشره

شرط يكون خل تفاح الاصلي زي الرمحين مو المصنع اللي في البقالات
واللي تبي تقضي على ريحة الحناا تضيف مسحوق الحبق المجفف مقدار ملعقتين طعام كبيره
وطريقته تغسل اوراق الحبق عن التراب ثم ويضع في صينيه مسطحه ويترك ليجف في الهواء الى ان يجف ثم يطحن بالمطحنه ويصبح مسحوق له رائحه زكيه مريحه للنفس عند العجن يضاف ملعقتين ويوضع ع الشعر
هو له فائده غير انه يعطي ريحه حلوه للشعر وهو انه يوقف التساقط ويعطي لمعه ويطولهه ويمتن الشعر

الحنه مستحيل اتخلى عنه بالبدايه كنت اتضايق من ريحته بس صرت اخلط معه فنجان محلب مطحون ابد ما كأنك حاطه حنا بشعرك يخلي ريحته حلوه وتجلس ايام الريحه بشعرك حتى لو غسلتيه يوميا

آه يالحنه ياحبي لها ياكثر
مانادوني بالعجوز وانا إذن طين وإذن عجين
بالنسبه لي اعجنه بماء مغلي من الليل واحطه الظهر 3ساعات وما انصح يطول ابد واحط اي زيت معها
💋💋💋💋 للحنه
لاحظت اللون حلو ووقف تساقط ونبت بس يبي استمرار