حالة الاغماء او فقدان الوعي ..تعبت من التفكير ساعدوني يابنات..

السلام عليكم ورحمة الله وبركاته .. اخباركم بنات ؟؟


بصراحه بدش عطول فـ موضوعي واتمنى اي وحده نفسي تتكلم عن حالتها كيف ...😭😭
انا لما كنت صغيره تجيني حالة الاغماء والحمدلله لما كبرت انقطعت عني تقريبا اكثر من 7 سنوات وهالسنه رجعت لي مرتين الاولى بسبب صدمه والثانيه بسبب خوف شديد 😔طبعا رفضت اروح المستشفى ولا اقتنعت اروح والسبب اني لما افقد الوعي واللحظه اللي بفتح فيها وارجع لطبيعتي اشوف قدامي ناس وايد تتكلم وازعاج وحشره وبكاء😓😓 فيه منهم رجال ومنهم حريم طبعا بس اشوف الاجسام واما الوجوه عليها ذبذبات وضباب وبعد لحظه والرجوع لطبيعتي اشوف قدامي اهلي اثنين او ثلاثه واقول لهم وين راحوا يستغربوا من سؤالي اقولهم شفت ناس وايد محاوطين علي وعلشان ما اخاف يقولوا لي اهلي احنا اللي شفتيهم😔 ..مع العلم اني روحت عند شيخ وقالي انه في شي من المس وهالسوالف الله يبعدها عنا......ياابنات والله اني احس روحي بين نارين بالله عليكم هذي حالة اغماء طبيعي ولا السالفه فيها شي ..واللي تجيها حالة اغمااء. نفسي ولا لا تشوف اللي انا اشوفه او لا وشوه تحس لما تفقد الوعي ولما ترجع لطبيعتها..اتمنى تفيدوني والله يسعدها اللي ترد علي ...😢😢😢

10 تعليق 5,954 مشاهدة

شاركي في النقاش

سجلي الدخول لإضافة تعليق.

التعليقات

9
  1. @hmalyl_alshok

    وعليكم السلام ورحمة الله وبركاته

    الله يشافيك ويعافيك وان شاء الله اجر وعافيه وماتشوفين شر

    والله انا ماعندي فكره ولكن بما انج قلتي ان الشيخ قال لك يمكن مس فانا انصحك تحصني نفسك يوميا باذكار الصباح والمساء ولما تقريها تكوني حاضره القلب وواعيه لها ومستشعرتها بكل حروفها وتفاصيلها حتي تنفعك
    والشي الثان الي بيشفيك ان شاء الله هي انك تقرٲي سوره البقره يوميا اذا قدرتي او تجزئيها كل يوم تقرٲين مئه ايه وبتخلص في ثلاث ايام وماتتركينها وتشوفين نفسك كيف بعدها ولاتخافين من الوسوسه الي تجيك او الرهبه ترا الشيطان يخوفنا ويشغلك دايم عن الذكر

    اختي في الله داومي علي السوره ولاتتركيها حتي لو اجزاء وان شاء الله انك بتشفين سواء كان السبب مس او غيره لان فيها شفاء وانا اعرف ناس تعالجو بالقرآن فتوكلي علي الله

    لاتكوني ضعيفه وتشجعي وواجهي نفسك واقرٲي وعيدي والتزمي بالوضوء والطهاره في لبسك وجسمك ومكانك وان شااء الله بتلاقين راحتك

    واسٲل الله العظيم رب العرش العظيم ان يشفيك
  2. @roh_dmyanh_1

    صاحبة الموضوع
    مشكوره حبيبتي واختي هماليل الشوق ما شاء الله عليك كلامك مريح للقلب والبال ويسعدني انك اول من رد على موضوعي الله يعطيك العافيه وان شاء الله راح اعتمد كلامك الطيب ..
  3. @roh_dmyanh_1

    صاحبة الموضوع

    المشاركة المقتبسة غير متاحة.

    الضغط عندي زين الحمدلله مشكوره اختي بس الشي اللي مخوفني مو طيحه وبس الاشخاص اللي اشوفهم قرب الرجوع لطبيعتي اهما مسويلي خوف وتفكير

تابعي تجارب أخرى من هذا القسم.