السلاام عليكم ..
مثل منتوا عارفين من اهم الاسباب اللي تخلي الوحده تزمل وقت نفاسها هالزيارات اللي ماتخلص !
ناس داخله وناس طالعه ,, ومالهم وقت !
صراحه شي يطفش ..
ويملل ..
سمعت من بعض البنات .. ان طريقتهم في زياراتهم غيرررر .. يسمونه استقبااال للوالده .. يعني يحدوود ايام يجون النااس يزورونهم ..
يعني مثلا الحرمه ولدت وصار لها 20 يوم يقولون لهم حياكم الله استقبال فلانه الثلوث والاربعاء والخميس والجمعه وحياكم الله (والناس يجونهم من بعد المغرب او على الساعه 5)
تخيلوا فله والله وونااااااااااااسه ..
طبعا غير قرابيهم اللي مره مثل عماتها وخالاتها .. واهل رجلهاا .. هذول عادي
بالله وش رايكم بهالطريقه موب شي ؟
واللي بيقول طيب فيه ناس بيصير عندها التزامات وماتقدر تجي بالفتره اللي حددوها بنقول موب مشكله .. متى ماودها تجي تدق
حرمه ولا حرمتين احسن من 20 حرمه داخله طالعه
بالله وش رايكم
ليت نقدر نغير المجتممممممممع ودي والله ودددددددي ..
شاركي في النقاش
سجلي الدخول لإضافة تعليق.
التعليقات
21- و هذا اللي بادي يصير...
يعني صعبة ترتزين كللللللل يوم علشان ضيفة و إلا ضيفتين...و يوم يجون كلللللللل الناس !
أو ممكن تطولين بالمستشفى إلى أسبوع مثلا و تستقبلين العالم...و لما تكملين 25 يوم تسوين جمعة كبيرة للعالم....و ربنا و لك الحمد...هم يوم و يطيح..
الله يقومنا وياك بالسلامة يا رب - انا عن نفسي راح احدد يوم الاثنين والخميس باستثناء الخوال والعمام هذولا باي وقت من دون رسميات لان بصراحه بيرتبط الواحد كل يوم وراح تربطين امك وخواتك معك ولاننسى ايام الدوامات فافضل شي انك تحددين للضيوف .
تشكرين على طرح الموضوع - أنا شفت اهلي يحددو يوم واحد في الاسبوع يعني السبت مثلا
وعندهم اربع او خمس سبوت الا ما تخلص الوحده الارربعين
وفكو نفسهم من الدخلة والخرجة - احنا الحمد لله اغلب ربعنا يجون بالمستشفى بالذات البعيدين أما القرايب والي يسألون مطبقين هالطريقه من زمان معهم ولا عمرنا رحنا لأحد أو جانا أحد إلا لما يسأل قبل عن اليوم المناسب للزيارة ونحدد يومين في الأسبوع بالكثير للزيارات ويكون بعد ماتكمل الوالده 20 يوم لأن عندنا نروح لها بالمستشفى وعيب نروح لها قبل ماتكمل 15 أو 20 يوم .. ونحاول نجمع كل الي يعرفون بعض في يوم واحد والي ينسجمون مع بعض .. أو نقولهم نستقبلكم يوم كذا وكذا وهم عاد يختارون الي يريحهم والي مرتبط بيلحق في اليومين الي بعدها .. :)
ولا شغله اجلس انتظر الناس كل يوم كن ماوراي شي ... انتي علشان تريحين راسك من وانتي في المستشفى الي يسألك قولي بنحدد يومين أو 3 ايام بالأسبوع ونبلغكم متى اليوم المناسب أو افتحي الموضوع بنفسك وهم بيفهمونها - اشوف كثير يسونها الحين بس والله صعبه اذا قالوا الناس بنجي تقولين لا باليوم الفلاني ؟؟
جزاهم الله خير الي مقدريني وبيزرورني والا هم مو مجبورين !!!
وبعدين لو جاتك حرمه كبيره ولادقت دخلت على غفله ؟؟؟ فيه بعض الناس يقولون مازال عندهم هالطبع الي يجي بدون مايدق ...
وبعدين يمكن الايام الي تناسبني تكون البعض عندهم صعبه ؟؟ يعني اثنين وخميس يمكن الناس الاثنين دوام وماتقدر تجي مافيه احد يجيبها والخميس يمكن من النوع الي يكونون برى الرياض ..مثلا ..
انا بنفاسي كانوا الضيوف اذا دقوا اقول لهم فيه الفلان بيجون باليوم الفلاني فهم عاد يفهمونها ويقولون فرصه نشوفهم :) لكن مااحدد لهم ..
مواضيع مشابهة
تابعي تجارب أخرى من هذا القسم.