ربي يسعدها سعادة الدارين اللي بترد ع موضوعي

الله يكون بعونه

مالك اخوان متزوجين لانها ع كلامك مره كبيره خلص تروح عند عيالها وتنبسط وتفتك من الهم والغم دامه مو ساءل فيها تتمشى تسافر معكم واذا ع كلامك ماتوقع بيهتم اذا هي طلعت او لاء هو راكنها لانها كبرت ماعاد له مصلحه منها كذا هم الرجال انانيين معليش فخلص خليها تشوف حياتها تسير تكون علاقات مع ناس برا البيت وتقطع علاقتها بزوجاته خليه تدخل بحلقات تحفيظ قران العصر وتطلع صدقيني شوي شوي بتبدى تعيش حياتها بالعكس هذي فرصتها تسوي الاشياء الي كانت تبيها قبل وماقدرت اذا مو متعلمه تشترك بفصول تعليم تبدى تحفظ قران بالعربي خليها تشغل نفسها عنه باي شي تحبه وتبتعد عن حريمه

ياقلبي عليها امك عظيمة ربي يرزقها ع قد صبرها الله يسعدها بالدارين ويرزقها بركم ويسخر لها من عبادة الصالحين من يكون لها عون في راحتها وسعادتها ويدخل عليها السرور في دنياه ويكتب لها الجنان في الاخره
عندي كلمة بقولها لها ربي يمهل ولا يهمل اولا ثانيا من أقاربي رجل ماعدل مع زوجته الاولى وظلمها كانت تسعى له ولكن في النهاية فضلت تطنشه وسارت الأيام وهي صابره حتى انه بات عند زوجته الثانيه وترك الاولى وسبحان الله مرض الثانيه تخلت عنه وقالتها بصريح العباره ما ابيه خلوه عندكم وأخذته وعاملته أحسن معامله مع ظلمه لها حتى توفاه الله الله يرحمه ويغفر له
وعوضها ربي خير ب عيالها سبحان الله من أحسن الناس وحاجات الناس تقضى على يديهم
وأي شي تبيه يجيها قبل تطلبه سبحان الله أرضت ربها فرضي عنها
ما سمعت للناس وكلامهم الكل كان يحرضها هي وعيالها لكنها كانت ترفض ولا تسمع لانها ماتبي المشاكل
أتركك من كلام الناس عليك من ربك ورضاه ارضيه سبحانه حتى يرضى عنك خلقه وإذا هي تتضايق من الكلام اللي تنقله زوجته نصيحة باب تجيك منه الريح سده واستريح
لا عاد تسمع لها ماراح أقول تقطع علاقتها فيها لا اقولها لا تسمع لها لو حاولت تجيب اخبار عنه وعن زوجاته تقول لها الله يرضى عليك لا تحكين لي شي عن ضرتك أحسن كذا تسكر الباب
وخليها تسجل بتحفيظ وتكثر استغفار وتسبيح وتترك الخلق للخالق ولو طال الزمن حقها بتاخذه الدنيا دوارة ماتدوم لأحد
ربي يسخره لها ويجعلها نور بين عينيه ويجعلها قرة عينيه ودم قلبه ودفئ حياته ويسر لها أمورها كلها ويرزقها من حيث لا تحتسب
والله ودي اقولها كلام كثير لكن التعبير يخون مع صبر اللي مثلها ماشاءالله تبارك الله ولاقوه الا بالله

انا ضد انها تقطع علاقتها بزوجاته،
لأن الله سبحانه نهى عن قطيعة الرحم وربطها بالإفساد بالأرض
(والذين يقطعون ماأمر الله به أن يوصل و يفسدون في الأرض)
ولأن الرسول عليه الصلاة والسلام قال(لا يدخل الجنة قاطع)
و قطيعة الرحم من الكبائر، فمن باب حبك لأمك انك تشجعينها على الخير،
و طاعة الله سبحانه هي اللي تسعد الانسان دنيا وآخره
اما الكبائر، فما يرتاح معها الانسان حتى لو كنتي تظنين انها بترتاح اذا قاطعتهم...
و أمك جزاها الله خير، و الله يعوض صبرها خير
و ربك متفضل على أمك انه رزقها ذريه صالحه(انتي و خواتك)
تعينونها و تعاونونها،
وكل اللي ازواجهن معددين او اغلبهم، يشوفون تقصير بحقوقهن و ظلم و لا هو حكر على ابوك الله يطول بعمره
والانسان بطبعه يميل لشخص على حساب شخص، لكن الضابط انه اذا تقي، يجاهد نفسه انه يعدل
واذا اقل من ذلك، تلقينه ما ينتبه لنفسه وتصرفاته و يشوف ان تصرفاته طبيعيه وهذا لأنه اساسا قلبه صافي من البغض و الحقد
لكنه يتبع ميول قلبه على حساب انه يعدل..




ختاما، انا اشوف حال أمك أحسن من حال الكثيييييييير
يعني بيت و ذريه و زوج يحترمها ما يضربها و لا يلعنها و يشتمها و يشتم اهلها مثل ما يسوي كثيييير من الذكور،
وبخصوص ذم الطعام، كثير الرجال مايعجبهم العجب
واشوفه شي عادي ولا يستحق الذكر..


و ميوله لزوجه من زوجاته على حساب الاخرى، ما لك غير انك تدعين ربك انه يسخر ابوك لأمك و يجعل امك احب زوجاته له
فهو سبحانه، مقلب القلوب...

الله يصلح حالكم وحال المسلمين ...