عندما فرض علينا النفاس 40 يوم في بيت الأهل!!!

النفاس وماأدراك مالنفاس ,,,
المتعارف عليه في المجتمع انو الزوجة بعد ولادتها تروح تسجن نفسها عند اهلها 40 يوم ,, يعني ماتطلع الا وهي طاهرة وعلى سنقة عشرة
وتعرفون الوحدة راحتها في بيتها وبالقرب من زوجها وخاصة اذا معاها أطفال ,, بس مدري ليش هالشي مستنكر بالمجتمع هذا غير الانتقادات اللي تجيك
نفسي أعرف مين اللي طلع هالقانون الله لايوفقه لا دنيا ولا آخرة ,, بصراحه مو اي أهل يتحملون نفاس بنتهم وازعاج بزارينها وانا مقدرة هالشيئ
غير الناس اللي طابين كل شوي وتجهيزات الاستقبال من والى من حلا وقهوة ومعجنات وقرف ,,
بالنسبة لي اتمنى اتمنى أولد واروح لبيتي واتحمل الشقا والكرف والغثا كلله على راسي ,, والزوج المفروض يشارك زوجته هالمسؤولية ويحس فيها
ووقت النفاس اكثر وقت تحتاج الزوجة زوجها بقربها يحس فيها وبتعبها ,, وينسيها حزنها ويوسع صدرها واحنا هنا عندنا العكس تبعد عنه 40 يوم
ومو بس كذا بعد بعض الازواج يستغل الفرصة ويسافر ,, رامي غثا زوجته وصجة ععياله وازعاجهم على كاهل اهله الزوجة ,,
نفسي اذا حملت وولدت قعدت ببيتي ,, نفسي زوجي يقولي مافي نفاس عند اهلك وتعالي عندي بس طبعا مستحيل هالشي ,,
لانه متعود ان اخواته يتنفسون عند امه وهو يستنكررر ان الوحدة تتنفس ببيتها ولا تروح لأهلها يحس الوضع غلط ,, وانا بنفس الوقت استحي افرض نفسي بالبيت بعد الولادة
اخاف اسمع منه كلمة ماتعجبني او اخاف يقول مايبونها أهلها أو ,,,,,,,,, الخ ,,, والمشكلة أهلي مايتحملون ازعاج البزارين اذا رحت لهم مجرد زيارة اقعد على اعصابي فما بالك بالنفاس!
وأبوي كبير بالعمر يبي الهدوء وماله خلق بزران ,, واذا سمع ازعاجهم يقعد طول الوقت تعبان ومعصب وانا ماألومه بسبب كبر سنه
وهالناس والزوج مايرحمون ماغير بس انتقادات على كل وحده تتنفس برا بيت اهلهاا ,, ويتسلطون عليها بالاسئلة ليش وماليش اريح لك عند اهلك يهتمون فيك !
وانتي وش دراك ان كل وحدة ترتاح عند اهلها ,, اكره اللي يقيس الناس على نفسه ,, وأنا بالنسبة لي مارتاح الا ببيتي ولا ارتاح ببيت اهلي ابدا
بسبب ازعاج المبزرة يسبب لي توتر واعيش بقلق واشيل هم غيري بدل ماشيل هم نفسي ,,,
حسبي الله على اللي بدت بهالحركة وخلت كل المجتمع يمشي وراها ويتنفس عند اهله 40 يوم ,,
ياليت يعني لو تجلس عند اهلها أسبوع او اسبوعين لااا لازم 40 يوم !! مصيبة صراحه !
,, شوفو المجتمعات الأجنبية الحرمة تولد من هنا وتطلع لزوجها من هناك والاثنين يتحملون هالمسؤولية !


وانتم وش رايكم بالموضوع ؟؟؟؟ تفضلين تتنفسين ببيتك ولا عند أهلك ؟؟ وليش ؟ وهل تسوين اللي براسك وترمين الانتقادات ورا ظهرك ؟؟

97 تعليق 58,920 مشاهدة

شاركي في النقاش

سجلي الدخول لإضافة تعليق.

التعليقات

86
  1. @ne3na3a

    صباح الورد ..


    بالنسبه لنا خلاص اول نفاسين فبيت اهل لكن الباقي ببيت زوجها او تقعد اسبوعين عند اهلها تالي توكل .. من يصير عندها اكثر من طفل خلاص صار عندها الخبره شلون تعامل معاه وشلون تقوم بنفسها واكلها..
    اول المره تقعد عند اهلها لانه ماكو احد يساعدها الحين الشغالات متوفرات ويكفي استقرار عيالي بامكانهم وشغلهم مرتب ..


    بالنسبه افضل اني اقضي اول اسبوعين عند اهلي لين يطيح الخياط ويخف الدم وتستقر اموري تالي ارجع لبيتي ومكاني ..
    ماله داعي اهد الزوج عزوبي 40 يوم وانا مافيني الا العافيه من سوق لسوق اجهز و اهو خلاوي بالشقه لاحد ينظف له ولايقوم فيه
  2. @loolo_loolo

    اممم
    يسعد صباحك اول شي


    بالنسبه لموضوعك
    اندثرت هذي العاده في مجتمعي
    صارت كل بنت بكيفها اللي تقضي شهر واللي الاربعين
    واللي تنفس ببيتها نفاسها كامل


    انا عن نفسي افضل تقضي الوحده اسبوعين ترتاح فيهم وتلاقي اللي يعاونها
    و بعدها ترجع بيتها
  3. @klb_alaasforh

    الحمد لله مجتمعي مايمشي ورى هذي العادات السخيفه .. كل وحده تولد في المكان الا ترتاح فيه وماعندنا اي انقادات او هرج فاضي
  4. @alhyah_hloh_5_1

    كلامك صحيح بس ليش شايله هم كلام الناس خلي التغيير يبدا من عندك اللي ترتاحين له سويه اهالينا ماقصرو معانا ربونا وكبرونا وزوجونا اخر شي نجازيهم بغثانا احنا وعيالنا عشان كلام الزوج او الناس خليه يتحمل المسؤليه معاك يدبر نفسه والناس ردي عليهم اهلي كبار سن وتعبانين اغثهم ليش ماعندي بيت جربت النفاس بالبيت رااااحه الحمدلله نفسيه وجسديه سريري وحمامي واغراضي كلها مجهزتها من التاسع واطفالي حولي ماشيل هم صراخهم او لعبهم واجيب شغاله لمن يخلص نفاس واقلعها

تابعي تجارب أخرى من هذا القسم.