لما قريت العنوان توقعتك بتدخلين الخمسين ! مره انصدمت لما عرفت ان عمرك ٢٩ وداخله الثلاثين !
استغرب من البنات اللي عندهم عقده من عمر الثلاثين !!
اشوفه قمة الانوثه والنضج والجمال .. حتى لما البنت تكون مهتمه في نفسها في هالعمر وشابه انيقه بتكون ب قمة قمة قمة انوثتها
مو طفله مابعد مانضجت مثل بنات الطعش !
انا عمري ٢٣ واحس اجمل مرحلتين في حياة البنت هي العشرينات والثلاثينات لأنهم صايرين بالنص لا انتي طفله مراهقه ولا انتي سيده كبيره
انتي شااابه تعرفين يعني ايش شابه ؟ لسه بشرتك مشدوده وفيها نضاره لسه الشيب ماغطى شعرك لسه التجاعيد ماملت جسمك لسه مافيك امراض الكبر
ف ليه الخوف من هالعمر ؟ اللي انا احسه جممييل واحس البنت تكتشف نفسها فيه اكثر وتعرف نفسها فيه اكثر
شوفي المشاهير والعارضات اللي بعمر الثلاثين .. بلاش هذول شوفي البنات اللي حولك في عمر الثلاثين وقوليلي لو لقيتي فرق واحد بينهم وبين بنات العشرين ؟ مافي !
لأن كل البنات اللي بهالمرحله اشوفهم شابات بغض النظر عن كلام المجتمع المتخلف لكن جد استغرب نظرة البنت لنفسها في هذا العمر !
لا انتي اللي وصلتي لسن اليأس ولا انتي اللي جلدك تكرمش ولا انتي اللي جتك امراض من التقدم بالسن ولا انتي اللي اسنانك طاحت ولا انتي اللي شعرك ملاه الشيب
اذاً ليه تحسين نفسك كبرتي ؟؟!
نصيحتي لك لا تفكرين هالتفكير اهتمي بنفسك وابرزي اناقتك انتي بهالعمر ليدي وانثى بمعنى الكلمه
معي بالجامعه بنات ماتعدو ال١٩ والاجسام اجسام حريم والبشره مليانه تصبغات والعيون تحتها خطوط والشعر باهت وخفيف !
وهما لسه يعتبرون صغار مررره .. اذاً الاهتمام اهم بكثير من الرقم
خصوصاً بهالزمن غمضي عينك وفتحيها الا كم سنه عدت السنين تجري بسرعه ومانحس فيها عشان كذا نصيحه لك استمتعي بشبابك واطردي عنك هالافكار اذا ربي اعطاك عمر وعشتي للخمسين
بتضحكين على نفسك وتقولين كيف وانا شابه كنت افكر بهالافكار ؟!
واللي يتفلسفوا عن انو فعلاً الوحده تكبر بهالعمر اشوف كثير بنات حولي بالثلاثينات توهم يستقروا ويأسسوا حياتهم ويحملوا ويخلفوا وحياتهم ماشيه زي العسل
اصلاً انتي بهالمرحله تكوني وصلتي للإستقرار النفسي وبعدك صغيره وشابه ومستعده نفسياً وجسدياً لأنو تكوني اسره
ما اشوف في اي فرق هي مجرد ارقام الكبر الحقيقي لما توصلي للخمسين والستين هنا راح تلفتين وتقولين يوه قديش مر من عمري
اما ثلاثين حرام عليك تووك صغيره
وعلى فكره اعمار اهل الجنه من نساء ورجال هي ٣٠ او ٣٣ ! لأنه اكمل الشباب واتمه .. ف اطردي هالوساس عنك وانبسطي بحياتك وشبابك وربنا يرزقك الزوج الصالح ويحققلك امنياتك
ماني مصدقه وصلت لهذا العمر
متابعة النقاش، صفحة 14