شاركي في النقاش

سجلي الدخول لإضافة تعليق.

التعليقات

56
  1. @algthab_9

    انا اطلع مع زوجي يوم بالاسبوع او كل اسبوعين ..
    ويوم بالاسبوع اروح لاهلي


    انا جت فترة كنت مثلك، اشوف صور وانقهر .. فحذفت كلشي يقهرني!! احذفي السناااب وش يفيدك به غير تعب النفس!! او خلي بس اخواتك فيه او الاشخاص اللي فعلاً تتمني الخير لهم وماا تغاري منهم ..


    وترا مو كلشي فالواقع مثل ماتشوفيه بالصور، شوفي حماتي الحين متملكة وتبي تبين لخطيبها انّ اهلها فلة يحبوها ويطلعوها وهالاسبوع سوت الهوايل إلاّ يطلعوها الكورنيش وماحد راضي، بالمووت رضو اخواتها يطلعو معها واخوها وصلها وهناك تهاوشوو ومشوا بدري ومتضايقين مِن بعض! وهي مصورة صورة اخوها وكاتبه الحب وصور قلوب هههه وماخلت شي ماصورته ورجعت!


    صدقيني ترا المظاهر خداعة!


    واطلبي مِن زوجك يمشيك، ليش لأ
    بس باسلوب حلو
    وشجعيه ..
    انا مثلا لما صار الجو حلو اسبوعين ورا بعض اقول لزوجي .. اللَّـه الجوو حلوو موو؟! واحلى لو نقعد بالكورنيش مو بس بالسيارة .. وقلت لِـه اليوم الفلاني نروح نتغدى .. وفعلا جلست بدري واناااا طبخت وتجهزت وجا مِن الدوام قلت مشيناا؟!! شافني جاهزة ومريحته لا يشتري مِن برا ويصف طابور مع زحمة الناس وولاشي .. وفعلا رحنا تغدينا وحلينا شاي وشكلاتات وازعجتنا نحلة ورجعنا هههه
  2. @bnt_altybyn_2

    لا حول ولاقوة إلا بالله
    يا أختي والله أن المقارنات هذي خراب بيوت
    لاتقولين فلانه عندها وأنا ماعندي فلانه طلعت وأنا ماتطلعني
    مادمتي سعيده ومبسوطه مع زوجك لاتنكدين على نفسك وعليه
    والله العظيم وماأكذب عليك أنها تمر السنه علي ماطلعت من البيت
    لا لسوق ولا تمشيه..أنا مو متزوجه ولكن أخواني بطبيعتهم بيتوتيين
    شفتي كيف ؟ يعني أنتي الآن وضعك أحسن مني تخرجين على الأقل مره بالأسبوع
    وأنا تمر السنه والسنتين ماطلعت من البيت..بس مع كذا أنا ماراح أقارن نفسي
    فيك وأقول وش معنى أنتي تطلعين وأنا مدفونه باليت بأقول الحمد لله
    عايشه مبسوطه ومرتاحه مع أهلي وأخواني حنونين في تعاملهم معي
    ماأبي أسواق ولا طلعات يكفيني السعاده اللي أعيشها بينهم الله لايغير علينا
    أحمدي الله على النعمه اللي أنتي فيها ولاتنظرين للي عند غيرك
    كل أنسان له ظروفه وأسبابه..
    نصيحه لكل أخواتي المتزوجات والله أنا أقرأ كثير من المشاكل
    هنا وأستنكر ويضيق صدري ..الوحده تكون مرتاحه ومبسوطه في حياتها
    مع زوجها وتخرب على نفسها بأمور تافهه ممكن أنها تتخطاها بسهوله
    وماتوقف حياتها عليها..وسعو صدوركم يابنات ومافيه أنسان يعيش حياه متكامله
  3. @mhyra

    عساها آخر مشاكلك ياقمر
    ياحبيبتي روقي الحمدلله طلعاته ماهي خيانه وهالكلام
    ولانقارنين نفسك بغيرك
    لاتخلين يومك يمر بدون ذكر أو تسبيح أو ورد يومي من القرآن

تابعي تجارب أخرى من هذا القسم.