سؤال عن مستشفى الاطباء المتحدون؟

شكرا خالة دانه على الرد بالنسبه للدكتوره آمال الشبكشي إش رايك فيها من كل النواحي؟
هل جربتيها؟
وكيف غرفة الولاده في الاطباء مين الممكن دخولهم معي وقت الولاده ؟ولا ممنوع
انا سمعت كثير عن الدكتور بسنت هي أخصائيه ؟
هل هي افضل من آمال ولا صباح من افضل وحده في وقت الولادة بالذات

عفوا نسيت شئ ليش الأطباء أحسن من فقيه من أيت ناحيه؟
وهل أحد جرب عفاف النوري هناك؟

الأطباء غرفة الوادة شي مرتب ونظيف جدا حتى راسمين لك رسمة في السقف خخخخخ
عشان ما تطفشي وانت بتولدي :)
وممكن وقت الولادة يدخل معاك شخص واحد فقط

وانا بنصحك لو ما ارتحتي مع امال روحي لبسنت صراحة مرة حبوبة ووقت الولادة تاني وحده تمدحها لي خالة دانة
وصباح اول مرة اسمع عنها بس ان شاء الله انها كويسة
في هبة بس وحده في المنتدى ما مدحتها
باسمة دلعو برضو ما انصحك بيها
شوفي نسا وولادة المصرياااااااااااااات وبسسسسسسسسسسسسسسسسسسسسسسسس

وفعلا امال ما قعدت على السونار غير دقيقتين لدرجة اني انا اللي قلتلها انو في واحد تاني لما شفتها قربت تخلص وكلفتتلي الزيارة
بس تعاملها ظريف عشان ما اظلمها

وترى الاطباء مو غالية كثير زيها زي فقيه والالماني
فيه اكيد ارخص بس المستوصفات المعفنة زي الجدعاني وغيره يعني تبغى خدمة ونظافة وتعامل زي الناس تعبي جيبك ولا تعبك قلبك

تصدقو مفروض العامودي يولدني ببلاش في مستشفته على كثر ما أمدحها :)