السناب خلاني أكره حياتي وزوجي
صباح الورد اخباركم صبايا فيه شي مضايقني وحبه استشيركم انا معي بنات من جماعتنا نجتمع أسبوعيا سوالف وضحك كل أسبوع في بيت وحده المهم أمورنا تمام حملنا برنامج السناب وهنا المشكله صار كله هيا وتحديات من اللي تتمشى أكثر وتروح مطاعم وصاروا يصورون كل شي كل طلعاتهم وسفرياتهم انا جلست فتره اصور بس ماراح اوصل لمواصيلهم لأن تمشياتي بسيطه وزوجي مايحب التماشي الزايده والمطاعم يعني اذا مره بالشهر مره نتعشى بمطعم فأنا صرت اقارن حياتي بحياتهم وكرهت حياتي مع اني كنت قبل السناب مبسوطه مع العلم أن زوجي طيب جدا وحنون وكل جمعه يمشينا ودايم يخرجني يفرفربي بالسياره بس خلاص لما شفت حياتهم بالسناب كرهت زوجي ومن الحين مقررين وين يروحوا بالاجازه الصيفيه وهالاجازه طبعا خارج المملكه وانا مستحيل زوجي يوديني للخارج لأن اصلا عمره ماسافر برا ويقول مستحيل وانا متضايقه حيل وقررت معد أنزل شي في اسناب