شاركي في النقاش

سجلي الدخول لإضافة تعليق.

التعليقات

2,009
  1. صاحبة الموضوع
    ام اصيل الحجازيه
    امس اتصلت على ماما واخدت منها طريقه رز بالعدس ناويه اسويها وعلى حضكم كاتبه الطريقه بالملاحظات دحين انسخها لكم وطبعا رز بالعدس جدا مفيد 👍👍
    طريقه رز العدس
    ثلث كاس رز مصري اذا ماعندك ممكن تحطي رز ابو بنت
    ونص كاس عدس
    تغسليهم وتنقعيهم
    يعني اهم شي الرز يكون اكتر من العدس
    والعدس اقل
    وانتي شوفي الكميه المناسبه لكم

    بعدين حطي زيت بالقدر وماما تقول السمن افضل والذ
    وتحطي عليها بصله متوسطه مفرومه
    و 5 فصوص ثوم تقطيعها صغار وخليهم يتشوحو
    وبعدين حطي عليه ملعقه طعام كمون حب غير مطحون
    وملعقه صغيره كركم وربع ملعقه صغيره فلفل اسود
    وحبة ماجي وقلبيهم سواء
    وصبي عليهم مويه
    وبعدين صفي الرز والعدس وحطيه بالقدر
    واتأكدي من الملح
    واذا شفتي الرز فاتح زيدي شويه كركم
    وطريقتها زي السليق كل ماحسيتي المويه بدات تنشف
    زيدي مويه وقلبي لين يصير مهري
    واذا القوام حق العدس عجبك خلاص قفلي النار
    واغرفي العدس بالصحون
    وتكوني قبلها مجهزه سمن عالنار وعليها حبه مستكه
    ويسير بعد ماتغرفي بالصحن
    صبي عليه شوية سمن ورشي عالسمن شوية فلفل اسود
    ويتأكل مع الحمر 👍
  2. صاحبة الموضوع
    ام اصيل الحجازيه
    طريقه رز العدس ثلث كاس رز مصري اذا ماعندك ممكن تحطي رز ابو بنت ونص كاس عدس تغسليهم وتنقعيهم يعني اهم شي الرز يكون اكتر من العدس والعدس اقل وانتي شوفي الكميه المناسبه لكم بعدين حطي زيت بالقدر وماما تقول السمن افضل والذ وتحطي عليها …
    والي يعجبني مرا برز العدس حق ماما
    يجي مرا مهررري
    والميزه كل مانشفت المويه تحطي مويه وتقلبي لين ينهري مزبوط
  3. ام اصيل الحجازيه
    طريقه رز العدس ثلث كاس رز مصري اذا ماعندك ممكن تحطي رز ابو بنت ونص كاس عدس تغسليهم وتنقعيهم يعني اهم شي الرز يكون اكتر من العدس والعدس اقل وانتي شوفي الكميه المناسبه لكم بعدين حطي زيت بالقدر وماما تقول السمن افضل والذ وتحطي عليها …
    يمممممممي شكله لذذذذيذ ، اي شيء فيه عدس احبهه 😍

    وبالارز المصري كمان روووعه بتطلع 👌

    الله يسلم ايديات مامتك ع هاطريقه بجربها واعطيك رأيي

تابعي تجارب أخرى من هذا القسم.