انا في قلق وحيرة ..طفلي خديج ووضعه حرج

الله يشفيه ويعافيه لك ويفرحك بطلعته من المستشفى وهو باتم صحه وعافيه

اشكر كل من ردت علي وطمنتني واشكر كل من دعت لولدي ربي يستجيب دعواتكم يارب والله أقراء ردودكم وانا ابكي يكفي دعواتكم تخفف عني همي الله يحفظ لكم عيالكم ويخليهم لكم ولايوريكم فيهم مكروه يارب .. امس بالليل رحنا له زيارة والدكتور المناوب قال لنا كلام زاد من همنا وخوفنا وقلقنا عليه .. قال ان حالة ولدكم صعبه وحرجه والولد مايستجيب للادوية والعلاجات اللي نعطيه وانه طول على الجهاز الصناعي ويقول ان الاستشاري المشرف على حالته كاتب في الملف ان عنده اشتباه عيب خلقي في المخ بس ماوضح لنا هذا العيب .. والله من سمعت الخبر وانا ابكي ولاقدرت انام .. رحنا اليوم الصباح للاستشاري الحمدلله طمنا قال مو اكيد هذا اشتباه بس مشكلته الرئيسيه التنفس مو قادرين يشيلون عنه الجهاز لانه كل ماحاولوا يخففون عنه الجهاز تنتكس حالته وينقص عنده الاكسجين .. ومو قادرين يعملون له اشعة لحد مايشيلون عنه الجهاز ويسوون له الاشعة عشان يتأكدون من سلامة وظائف المخ ويبغى له اقل شي اسبوع على الجهاز .. يارب اسألك في هذه الساعه انك تخيب ظنونهم وشكوكهم ويطلع ولدي سليم والله من امس وانا مو قادرة انام وذبحني التفكير والقلق عليه .. الحمدلله على كل حال املي في ربي كبير وبإذن الله ربي يلطف بحاله ويشفيه ويعافيه يارب ..

اهلين اختي وش اخبار ولدك الحين ؟؟
والله يشفيه ويقر عينك فيه يارب
عندي قروب للخدج حابه تدخلين ارسلي رقمك ع الواتس ❤

امين يارب الله يسمع منك يارب ويخليلك غاليك ولايفجعنا في اولادنا واحبابنا يارب

هلا اختي مشاعل والله ولدي باقي ماتحسن وضعه للاسف كل ماله يسوء بس الحمدلله على كل حال ..اليوم رحت له زيارة قالت الدكتوره انه تعب عليهم مره نقص عنده الاكسجين مره وحاولوا يسعفونه وغيروا له انبوب التنفس والحمدلله قدروا يصيطرون على الوضع لكنه تعبان تقول مو قادرين نشيل عنه الجهاز ابدا ولولد ما يستجيب للعلاجات 😔 يارب يارحمن يارحيم ارحم بحاله وحالتي يارب واشفيه وعافيه وقر عيني بشوفته سليم معافى ياكريم الحمدلله على ماكتب الله وقدر ..
ياليت يااختي تدخليني في قروب الخدج انا حاولت ارسل لك رقمي ع الخاص بس لقيتك مسوية حظر لصفحتك ودي ادخل معاكم في القروب عشان استفيد ❤️