شوفي أختي بحاول أساعدك ...
بس لازم تكون عزيمتك نابعه من الداخل أولاً...
يلا بسم الله :
1/ اول شي ولدك رتبي نومه وهالشي بيدك .... يعني صحيه مثلاً تسعه الصبح واشغليه الين الظهر
وغديه ونوميه .... وخليه ساعه أو ساعه ونص وارجعي صحيه واشغليه عشان ماينام وبكذا راح
يناملك في الليل بدري ...
صح راح تتعبي في أول يوم بس ماعليه بعدها راح يترتب نومه ..
2/ عودي ولدك انه مايرمي شي في الأرض وخليك صارمه معه في هالشي ..وعاقبيه إذا رمى شي في الأرض أو ماسمع كلامك بإنك مخصصه مكان للعقاب يجلس فيه ومايتحرك " مثل مايسوون في برنامج سوبر ناني" تري هالطريقه مجربتها وتجيب نتائج.... لا تسمحين له يقوم من مكانه الا اذا اعتذر لك وقال انه ماراح يعيدها...
3/ لما زوجك يروح الدوام لاتنامين نظفي البيت .... وبما انكم لسى عيله صغيره فماراح تنظفي كل يوم..
يعني أهم شي غسيل الحمامات يومياً .... غسيل الملابس حددي له يوم في الاسبوع ... والكوي في
اليوم اللي بعده أو في نفس اليوم ...
طبعاً شغل المطبخ مايخلص .... حاولي انه كل ماطلعتِ حتى ولو ملعقه اغسليها في وقتها ...
الطبخ وقت ماتطبخين الغداء .... سوي معه العشاء... اقصد لما تطبخين الغداء حطي في بالك وش
العشاء اللي راح تتعشونه واطبخيه ... واذا جاء وقت العشاء بس سخنيه في المايكروويف ... وبكذا
تكوني وفرتي على نفسك ...
4/ الحين لما يكون الطبخ عالنار .... حطي في شعرك زيت ... أو سوي ماسك للبشره .... يعني أي شي
تحبيه على مايخلص الطبيخ..
وروحي خذي لك شاور واتكشخي لزوجك .... واقعدي انتظريه...
وأول ماتخلصون الغداء لما تلمين السفره على طول اغسلي المواعين .... نصيحه لا تراكمينها على
نفسك..
المسأله كلها محتاجه لتنظيم وترتيب بس :)
اللي بتتعبك الخطوه الأولى .... وراح تاخذ منك وقت ... لكن صدقيني بعدها بترتاحين ...
ولاتنسين قول رسول الله :" بارك الله لأمتي في بكورها "...
وأي سؤال أو استفسار أنا حاضره ...
دعواتي لكِ بالتوفيق والسداد...
أختك / نــــــــدى المحبـــــــه
سؤال ضروري جدا جدا لكل المتزوجات
متابعة النقاش، صفحة 11