شاركي في النقاش

سجلي الدخول لإضافة تعليق.

التعليقات

58
  1. شوفي أختي بحاول أساعدك ...

    بس لازم تكون عزيمتك نابعه من الداخل أولاً...

    يلا بسم الله :

    1/ اول شي ولدك رتبي نومه وهالشي بيدك .... يعني صحيه مثلاً تسعه الصبح واشغليه الين الظهر

    وغديه ونوميه .... وخليه ساعه أو ساعه ونص وارجعي صحيه واشغليه عشان ماينام وبكذا راح

    يناملك في الليل بدري ...

    صح راح تتعبي في أول يوم بس ماعليه بعدها راح يترتب نومه ..

    2/ عودي ولدك انه مايرمي شي في الأرض وخليك صارمه معه في هالشي ..وعاقبيه إذا رمى شي في الأرض أو ماسمع كلامك بإنك مخصصه مكان للعقاب يجلس فيه ومايتحرك " مثل مايسوون في برنامج سوبر ناني" تري هالطريقه مجربتها وتجيب نتائج.... لا تسمحين له يقوم من مكانه الا اذا اعتذر لك وقال انه ماراح يعيدها...

    3/ لما زوجك يروح الدوام لاتنامين نظفي البيت .... وبما انكم لسى عيله صغيره فماراح تنظفي كل يوم..

    يعني أهم شي غسيل الحمامات يومياً .... غسيل الملابس حددي له يوم في الاسبوع ... والكوي في

    اليوم اللي بعده أو في نفس اليوم ...

    طبعاً شغل المطبخ مايخلص .... حاولي انه كل ماطلعتِ حتى ولو ملعقه اغسليها في وقتها ...

    الطبخ وقت ماتطبخين الغداء .... سوي معه العشاء... اقصد لما تطبخين الغداء حطي في بالك وش

    العشاء اللي راح تتعشونه واطبخيه ... واذا جاء وقت العشاء بس سخنيه في المايكروويف ... وبكذا

    تكوني وفرتي على نفسك ...

    4/ الحين لما يكون الطبخ عالنار .... حطي في شعرك زيت ... أو سوي ماسك للبشره .... يعني أي شي

    تحبيه على مايخلص الطبيخ..

    وروحي خذي لك شاور واتكشخي لزوجك .... واقعدي انتظريه...

    وأول ماتخلصون الغداء لما تلمين السفره على طول اغسلي المواعين .... نصيحه لا تراكمينها على

    نفسك..

    المسأله كلها محتاجه لتنظيم وترتيب بس :)

    اللي بتتعبك الخطوه الأولى .... وراح تاخذ منك وقت ... لكن صدقيني بعدها بترتاحين ...

    ولاتنسين قول رسول الله :" بارك الله لأمتي في بكورها "...


    وأي سؤال أو استفسار أنا حاضره ...


    دعواتي لكِ بالتوفيق والسداد...


    أختك / نــــــــدى المحبـــــــه
  2. @alghrybh_aan_dyarha

    مرحبا اختي انا كنت زيك اصيح واقول ما اقدر اتحمل كل هذا بس الحين الحمد لله نظمت وقتي كالتالي تنظيف البيت مره بالاسبوع غسيل الملابس والكوي مرتين بالاسبوع ويوميا ترتيب خفيف وكل يومين اسوي حلى وبالاخير الله يعيننا جميعا
  3. والله مو انتي لوحدك يا احلام

    بس اهم شي حاولي لاتظهرين عيوبك لزوجك مهما كان حنون عليك لانها ممكن تكون مدخل لشيطان

    ثاني شي لاتنسين بعد كل صلاة وقبل النوم تسبحي 33 وتحمدي الله 33 وتكبري 33

    لانها وصية الرسول صلى الله عليه وسلم لبنته فاطمة رضي الله عنها لما اشتكت له وكانت تبغى صبي

    او خادم يساعدها

    واخر شي حاولي تحطي جدول

    واذا مثلا ولدك حاولي تخليه ينام حمميه وبعد كذا اعمليله مساج او تدليك خفيف لحد مايسترخي وينام

    وحاولي تفضي من بعد صلاة العشا وتتفرغي لنفسك وزوجك
  4. انا برد على الموضوع وانا لسه ما كملت الردووووود00
    لأني بس ابغى افضفض000 ما ابغى لا حلول ولا شي بس ابغى اتكلم
    انا متزوجة وقاعدة في البيت وعندي اربع اطفال مابين 6 سنوات والسنة
    وساكنة في فيلا ومن غير شغالة00تعالو شوفو الهنا اللي انا فيه00
    ياماما تعالي لبسيني 00ياماما سويلي فطور000 ياماما شوفي ضربني
    من غير الغسيل اللي بالدور ال3 والكوي وطلبات الشيخ ابوهم لملابس الرياضة اللي لازم تكون جاهزة كل يوم00والله الحق مايطلبني طبخ بالعكس يساعدني ويجيب من برا بس احيانا يرمي كلام000
    بس كل شغلي في المطبخ لأن عيالي مافي هذا عصير ولا موية ولا اسويلهم وجبات خفيفة00ومشكلتهم انهم ما ينظفو وراهم وعلمت فيهم لكن لا حياة لمن تنادي00
    وحالتي اردى من كذااا بس ماكملت00المهم نفسيتي صارت تعبانة00لأن ما احد مقدر
    اني بتعب علشانهم او حتى احد يساعدني00وياويلي لو قلت تعبت000
    ياناس الكاس ادا امتلى موية يفيض000 وانا فاض فيا وزيادة
    وهذا انا الحين ليا اسبوع زوجي ما يكلمني000ليش وليش قلتله ليش مانزلت صحون العشا ليا
    للمطبخ بعد ما خلصتو ولا تستنو الشغالة؟؟؟
    وانا قايلاها بمزحة000تعالو شوفو المقاطعة 00ولا مقاطعة البضائع الدنماركية00
    بس ما اقول غير الحمدلله والله يعيننا على اللي احنا فيه00
    معلش طولت بالحكاية
  5. @mam_iam

    .
    بصراحة أنا قرأت الموضوع وبغيت ارد على طول بدون ما أقرأ الردود..اختصارا للوقت بس ما أدري أكيد البنات عطوك حلول رائعة..
    بالنسبة لردي عليك.. وهو أنك أولا وقبل كل شيء تتوكلين وتستعينين بالله والله خير معين ..
    ثانيا فيه أدعية ياختي وأذكار ابحثي عنها وأقرأيها فقد أوصى الرسول صلى الله عليه وسلم بها علي بن أبي طالب وفاطمة ليستعينوا بها على أعمال البيت..
    ثالثا .. اعملي لك جدول وامشي عليه بصرامة..
    مثلا الغسيل : السبت غسيل ملابس الزوج
    الأحد غيسل ملابس البيبي+ كوي ملابس الزوج
    الاثنين غسيل ملابسك + كوي ملابس البيبي.... وهكذا..
    وتحددين وقت الغسيل أنه يكون مثلا من الساعة 11إلى 12
    ومن 12 إلى 1 الطبخ تعملين الغداء وتبكرين فيه شوي عشان يمديك تتحممين قبل يجي زوجك..
    وممكن تحددين يوم بالسبوع تسوين فيه حلويات وقراقيش وفطير وتحطينها بالفريزر
    وبصراحة أعرف واحدة إذا راحت لأهلها تجتمع هي وخواتها ويقعدون يسوون حلى وفطاير.. وهم يسولفون ويتقهوون وبعدين كل واحدة تاخذ حاجتها معها للبيت..
    وهكذا...
    رابعا .. استفيدي من التقنية الموجودة بالاسواق.. يعني اشتري لك بين كل فترة وثانية جهاز يسهل عمل البيت عليك.. مرة غسالة صحون ومواعين ..ومرة غسالة ملابس ونشافة أتوماتيكية..ومرة عجانة ومرة قلاية ومرة قطاعة كهربائية ومرة مكوى بخار اللي تكوين فيه الملابس وهي بمعاليقها..
    حاولي توزعين شراء الأجهزة مع زوجك حسب الأشهر عشان ميزانيتكم ما تتأثر بالحيل وبد ما تروح الفلوس على أكل برا خليها بجهاز لك وللزمن ماراح تدومين طول عمرك تاكلين من برا.. وزوجك إن جاب لك اليوم ما جاب لك بكرة ..
    الحقي نفسك قبل مايمل وتقعدين فيها..
    شكلي طولت عليك.. والبنات ان شاء الله ما يقصرون..
    وإذا تبغين أي مساعدة أنا حاضرة .
    .
    .

تابعي تجارب أخرى من هذا القسم.