في أحد عنده مشكلة في النوم ... مثلي؟!

انا ما انام الا 5 الفجر واحيانا بعدها بس لي 6 شهور تقريبا ما انا قبل 3 الفجر
تعبت نفسيا يا بنات والمشكلة من 11 وانا صاحية والحين اعاني نفسيا واحس
معد لي خلق بالدنيا كلها لأن نومي مو مضبوط ولا عنده نية يضبط حاولت بس
مو راضي مايجيني نوم ابد بالليل تعود مخي على النوم النهار وربي تعبت
وكرهت الطلعات ولما اطلع ماحب اسهر برا البيت طول الوقت اتثاوب لا رجعت
طار النوم ... :( حد يلقى لي حل

أنا كنت أعاني من مشكلة النوم والتأخير في الدوام، وبعدين فجأة غيروا المدير ، وهذا من النوع المتشدد العصبي يدقق ويتصل يجيك إذا مداومين أو متأخرين ويشوف كشوفات التواقيع الصبح يوميا وأحيانا يقوم بجولة الصبح ولو ما شاف حد على مكتبه يطرش لنا إنذارات، فا من يومها تأدبت قبل لا تستوي الساعة خمس ونص أطير طيران من فراشي وطبعا هذا كله من الرعب والفشيله..لأن مرة تأخرت أول الأيام وما كنت أعرف طبعه ولما وصلت متأخرة قالولي إنه سأل علي لأن كان يبغي شغل مني ووعصب لما عرف إني متأخرة بس الله ستر ما سوى لي مشكلة لأنه كنت على وشك إني أحصل إنذار..

*غنــوجــه*
بس هل تشبعين نوم ولا لأ .. هذا أهم شي ...

رهوفة
حبيبتي .. يمكن انتي تشربين منبهات مثل الشاي والقهوة والبيبسي وغيره .. الله يعينج يا رب ..

زهرة الليلاك
أنا مشكلتي مو بالمدير ... بس الله يعينج على مديرج ..

انا كذا اذا مانمت الا متأخر

بس اذا كنت انام بدري اقوم منعنشه طبعا بدري ما اتعدا 10 بالليل

جربي نامي بدري وشوفي

ويمكن السبب كمان دوامك يمكنه يطفش ومالك خلق ترى تصير كثير

أنا مثلك أصحى الفجر بعدين أنام و أصحى للدوام كسووولة

بس هالكسل مو مخرب علي عادي الحمد لله

لان بعد الفطور اصحح...

جربي افطري الصبح يمكن تصحصحين