ما عندي روتين ... انا متقلبة بس ناجحه

بسم الله الرحمن الرحيم


السلام عليكم و رحمة الله و بركاته


انا بفضل الله نجحت و حققت امور كثيرة في حياتي


منها قبل سنه تقريبا اخذت قرار ما ادخل الخدامة بيتي .. و مع العلم زوجي و اولادي و انا كسولين .. و حققت الهدف بحمدالله


مسكت ميزانية البيت و حقتت الهدف بحمدالله


بس مشكلتي


ما اطيق الروتين


انا يوم اقلب البيت قلب و اشتغل من قلب


و يوم يالله بالعافيه ترفيع من ع الوجه زي ما يقولوا


و هذا طبعي


عجزت اهتم بشي بشكل روتيني


و في الحياة فيه حاجات ما تنفع الا بالاستمرارية


زي خلطات للشعر ... العناية بالبشرة ... الرياضة مثلا


يوم ايوا و عشرة لا


كمان القرآن السنن الصيام السنه ... يوم ايوه و عشرة لا


حاولت اقوم الليل


برضه ما استمر


ودي استمر ... بس قلبي مو مطاوعني امل


و ما ابغى اتغصب بالذات ع العبادة ... ابغى احس بنشاط مو فتور ... و احس بلذة


الحمدلله من الاشياء اللي علمتها لاولادي الترتيب و النظام


و لكن انا ما عندي جدول


و لا اقدر استمر على جدول


و ابغى حتى اكون قليل من العادات الدينية و الجماليه الخاصه بي


قليل مستمر خير من كثير منقطع


ياليت تفيدوني بتجاربكم


  • ما شاء الله اشوف بنات ثابتين على عاداتهم ... انا متغيرة مدري ليش ؟ و اللي قدرت تحفظ القرآن ما شاء الله ❤ و اللي متعودة ع روتين عناية



احب اني استمر ... و دعواتي لكم اذا لقيت افادة منكم

26 تعليق 3,368 مشاهدة

شاركي في النقاش

سجلي الدخول لإضافة تعليق.

التعليقات

24
  1. @sroor_2000

    ايش رايكم نسوي برنامج مع بعض ونحطه بموضوع اليوميات عشان نشجع بعض في العبادة الروحانيه و عناية بانفسنا وازواجنا واولادنا وبيتنا ،،، لي 3ايام من لما اصحى الفجر ماانام الى ل11ليلا وشفت العجب برررركه وراحه وطمانينة وزوجي واطفالي جدددا مبسوطين ولله الحمد يارب يقويني اكون طول العمر نشيطة لان الكسل والهم ذبحوني ناوية على التغيير...ياريت تقبلوا بفكرتي
  2. @hb_salm

    صاحبة الموضوع
    سروور 2000
    ايش رايكم نسوي برنامج مع بعض ونحطه بموضوع اليوميات عشان نشجع بعض في العبادة الروحانيه و عناية بانفسنا وازواجنا واولادنا وبيتنا ،،، لي 3ايام من لما اصحى الفجر ماانام الى ل11ليلا وشفت العجب برررركه وراحه وطمانينة وزوجي واطفالي جدددا مبسوطين …
    اعطيني البرنامج

    ابغى اجربة بيني و بين نفسي

    اخاف اتفشل اذا تصدرت يوميات و هربت منها 😯
  3. @sroor_2000

    ثقي بنفسك 😐
    اليه ع طول تقولي بتفشلي 😬
    حبه حبه وبانتعود ع كل شي واليوميات كثير بتفيدنا
    وانا من الحين اقولك باذن الله اني من النوع اذا في احد معاي ويشجعني سواء رجيم او اي شي تكون عندي عزيمه والواحد اذا تعود ع اي شي واستمر عليه 22يوم خلاص مايقدر يتركه


    يلا شدي حيلك 💪💪

تابعي تجارب أخرى من هذا القسم.