يا اللي تعبانين من اللف في الأسواق ..... ادخلوا

جزاك الله خير

مشكورين اخواتي الكريمات وجزاكن الله الجنه على افادتكن وتوضيحكن واسأل الله تعالى ان يكون في موازين اعمالكن آمين يارب العالمين
اخواتي في الله لقد اجدتن واوضحتن الكثير الكثير
لكن اخياتي كيف نختار ملابسنا
احدثكم عن نفسي وأصلاتن عن بنات جنسي اننا الى هذا الوقت لم نفهم الحديث بالشكل المطلوب
ولكننا اذا ذهبنا الى السوق فانه لايعجبنا الا الغريب الجميل ففي الغرابة جمال وذلك اذا اتفق مع الشرع
اي انه
بما ان الشرح حرم البنطال والقصير واللي بدون اكمام فهذه ولله الحمد ابتعدنا عنها ولكن غيرها لانستطيع الى الان لاننالم نفهم الحديث بعد
فبما انني رحت للسوق فلست ابحث الا عن الغريب وحتى ان وجدت لبس مناسب ولكن سعره مرتفع شوي فان السؤال الطارئ وش الغريب فيه عشان يصقعون بسعره الى السما
اي اننا لانبحث الا عن الغريب ولسنا من اللذين يدخلون السوق كل وقت ولكن في المناسبات الرسميه
او كلما دعت الحاجه
مثلا الاجازه هذي كلها ماطبيت السوق ولا وطوطت رجلي له الا قبل اسبوع عشان ادور للعيد
بس اذا دخلت ما يعجبني شي لازم يكون غريب
اللي افهمه اننا مانمشي على الموضه وهذا كلام حلو لان الكثير مايتقيد بها بس اللي يناسبه في السوق ياخذه
طيب بنات اذا شفت في السوق لبس غريب جدا وحلو وش اسوي اخليه ولا وش العمل
وبعدين اللبس اللي الان غريب بعد كم يوم شهر بيكون عادي وبنلاقي العالم كلهم لبسوه يعني صار طبيعي فوش اسوي اذا لقيت الغريب اخليه واجيه السنه الثانيه لما يكون عادي
واذا كانت مقاييس الناس مو زي بعض يعني وحده تلف الاسواق كلها ومن كثر اللي تشوفه من بضاعات ماعاد تفرق هي شافتها في السوق والا على الناس في هذي الحاله ماعاد تدري عن الغريب لان كلش صار عادي واذا لبست شي وهي تحسبه عادي صار عند الناس غريب
مثلا اول ماسمعت بالحديث على طول تذكرت لبس انا لبسته قبل سنوات والعالم كلهم استغربوا وصار ضجه في الوسط السياسي والاجتماعي للاسره بس والله انه كان هالبس للراحه لاني كنت من زمان وان ادوره(لو اقولكم عن اللبس يمكن تضربون بس ماعلي انا قلت من زمان المهم هاللبس كان البنجابي ) مع انه قبل ما البس وانا متقصيه عن الحلال والحرام ولما شفته سليم على طول لبسته ... هذا موقف عن لبس غريب في الجماعه مع انه الان صار عادي جدا جدا جدا
والان انا ما ادري عن الحكم وش السالفه مع اني ماسمعت الحديث الا عقب ماشريت ااعيد وخبصت خبصه ثانيه (قصدي دورت الغريب وشريته )
ف وش السواة ووش الحكم
ووش الضابط
ردوا علينا الله يعافيكم

ياليت والله نشيل فكرة هالغريب من روسنا

والله تعبنا وتعبنا العالن معنا ,وياليت نلقى هالغريب اللي نبيه ونشتريه ونفتك

لاااا لازم تدووورين شهر شهرين وتلقين اقل بكثير من اللي انتي تطمحين له


الله يعينا بس والله اول ماكنت كذا كنت على طووول اول ماادخل السوق القى اللي ابيه بسرعه

مع انه اول كانت امكانياتي على قد حالي بس كنت شي والكل دايم يتفاجا بكشختي ولبسي الانيق

مع اني والله مااكنت اتعدى ميتين ريال باالبس واول ماادخل السوق القى غرضي

بس الظاهر انها عين زوجي او ماتزوجته وداني السوق عشان اشتري للعيد واول محل دخلته

كل اللي ابيه لقيته على طوووول وشريته

واللحين اقعد اقل شي شهر ادور لبس للعيد ولا تقل قيمته عن 800ريال

جزاك الله خير بجد يااختي مشكلتنا اننا نبحث دايم عن المميز والغريب
الله يستر على المسلمات .. ويهدي الجميع ويبعدنا عن المعاصي ..

الله يجزاك خير
يحرم لباس النعل لقصد الاشتهار ولمخالفته الناس وليشار إليه بالبنان ، فقد تسابق الناس في هذا الزمان إلى لبس النعل والملابس النفيسة بقصد لفت أنظار الناس إليهم ، واشتهارهم بينهم مع الكبر والترفع عليهم ، جاهلين أو متجاهلين قوله - صلى الله عليه وسلم -:« من لبس ثوب شهرة في الدنيا ألبسه الله ثوب مذلة يوم القيامة »

قال ابن الأثير: " الشهرة ظهور الشيء والمراد أن ثوبه يشتهر بين الناس لمخالفة لونه لألوان ثيابهم فيرفع إليه أبصارهم ، ويختال عليهم بالعجب والتكبر "

وقال الشوكاني في النيل: " إذا كان اللبس لقصد الاشتهار في الناس فلا فرق بين رفيع الثياب ووضيعها والموافق لملبوس الناس والمخالف ، لأن التحريم يدور مع الاشتهار ، والمعتبر القصد وإن لم يطابق الواقع "

وثوب الشهرة قد يكون بالوضيع من الثياب أو النعال ، كمن يلبس رديء الثياب والنعل ليعتقد الناس فيه الزهد والورع ، قال شيخ الإسلام ابن تيمية - رحمه الله -:"وتكره الشهرة من الثياب ، وهو المترفع الخارج عن العادة ، والمنخفض الخارج عن العادة ، فإن السلف يكرهون الشهرتين ، المترفع والمتخفض ، وفي الحديث « من لبس ثوب شهرة ألبسه الله ثوب مذلة » وخيار الأمور أواسطها ".


منقول