شاركي في النقاش

سجلي الدخول لإضافة تعليق.

التعليقات

8
  1. الاخت ريحة الجنة اختصرت الي ابي اقوله


    عادي ياقلبي مشي الي تقدرين تمشينه مرينا بها الشي وهذا شي طبيعي في الدوام
    انا اشوف الدوام دنيا مصغرة فيها الكويس وفيها الخبيث
    فيها الظلم والتسلط و العكس ممكن تحمدين الله انك توظفتي بها الوظيفة وتعرفتي على هالاشخاص
    تعرفين وش بيهونها عليك
    انك ما تركزين على هالمشكلة
    ترا فيه ناس جدا مريضة تحتاج للفت الانتباه حتى لو بالمشاكل والفضائح او الهمز واللمز والظلم والافتراء
    خففي عن نفسك
    اذا تقدرين تطلبين نقل اطلبي او دوري وظيفة غيرها لان هالوضع بيشتتك وياكل كل تفكيرك
    بيصير شغلك الشاغل بالبيت وعند اهلك وحتى قبل لا تنامين بتحللين كلماتهم وش قصدت فلانة ووش ردت علانة
    بس لازم تستوعبين ان بالدوام العلاقات والشخصية مهمة اكثر اهمية من الشغل والمؤهلات نفسها
    لا تحاولين تتزلفين لمديرتك او تتقربين منها بس عشان هالثنتين
    لا خليكي بروفشنال سوى شغلك تمام لا تخلين لاحد ممسك عليك التزمي بالحضور هذا اهم شي
    ولا تنسين نفسك لا تخلين هالوظيفة هي عالمك لا خليها 40%
    اذا لقيت نفسك مخلصة شغل وما عندك شغل تسوينه حطي الهد فون ولا تسمعين كلامهم وسوالفهم عشان ما تحللينه بالبيت
    لا تعيرينهم اييييييييييييييييييييييييييييييييييييييي اهتمام هم يتغذون على ردة فعلك سوى ولا كنه ماثر فينى
    اقري كتاب كل يوم PDF
    ثقفي نفسك اقري عن التعامل مع الشخصيات الصعبة والتسلط في مكان العمل
    والله حاسة فيك بس حنا بالدنيا هذي الاشياء تصير معنا عشان تنضج وتنصقل شخصياتنا
  2. @lody_23

    اهلا بك في الحياة الواقعية ....


    هي الدنيا كذا والمديره تحبهم لانها مستفيده منهم يفرقون بين الناس وعارفه انهم يكذبون بس تسلك لهم
    اذا وقع عليك ظلم في تقييمك مايمنع انك تتكلمين مع مديرتك وتناقشينها
    اهتمي بشكلك ولبسك واناقتك وريحتك
    طوري نفسك وخليك رااايقة
    صلحي ترمس قهوه من البيت مع علبة تشوكلت وحطيها على مكتبك واي احد بيمر ياخذ من قهوتك ابتسمي له وادخلي بحوارات ومجاملات بيضا
    حاولي تتعرفين على موظفات ثانيات وانتبهي تتكلمين ب احد عندهم حتى لو وثقتي فيهم وحتى لو فتحوا قلبهم لك وشكوا لك
    ابذل جهد بعمل وحاولي ماتغلطين وتبدعين
    وكل يوم مع صلاة الفجر اقري اذكارك واستودعي نفسك للرحمن وتوكلي عليه

تابعي تجارب أخرى من هذا القسم.