القروض جوعتنا واهلكتنا تكفون مين جرب هالناس اللي يسددون قروض

الله يفرجها عليكم القرض هم

ونعم الكلام كفت وفت جزاها الله خير
ويصاحبة الموضوع ماقروا كل الاخوات والله يرزقك من واسع فضله ويفرج همك وهم كل مهموم

ماقصروا

اول شي لازم تشيلون من تفكيركم شي اسمه ( قرض سلف دين ) بعد هذا اليوم

لانكم كذا تحلون المشكله بمشكله ثانيه وتزيدون الديون عليكم وهذا اكبر غلط وسوء تدبير وسوء تصرف

ثاني شي اقتصدو في كل شي بحياتكم من كهرباء وفواتير واكل وشرب ولا يطلع منكم الريال الا للحاجه الضروريه فقط

ثالث شي اتفق مع قلعة الملوك والشغل مو عيب ابداً ، واكبر التجار بدأو باعه صغار ثم صار معهم ثروة

وطالما رحبتي بفكرة قلعة الملوك اقترح عليك تجهزين ورق عنب وتغلفينه في صحون بلاستك سفري وتجهزين فوشار وتغلفينه في اكياس بلاستك

واذا تقدرين جهزي قدر بليله وخذي معك علب او اكواب وملاعق بلاستك ، وخذي كرتون عصير

وروحي اقرب حديقه او منتزه بوقت اجازة نهاية الاسبوع وبيعوها او عند المدارس الابتدائيه

والله بيجيك رزق اقلها يكون مبلغ يكفي اكلكم وشربكم ويستركم عن حاجة الناس

والفكره هذي اكيد كلنا نشوفها اذا رحنا منتزهات او عند المدارس والاسواق الشعبيه وماشاء الله الاطفال والكبار يشترون من عندهم

الله يقضي دينكم و ديننا و دين كل مسلم و مسلمه


خليه يتعامل مع كذا تاجره يوصل لها طلباتها
اذا نفسك حلو ف الطبخ اطبخي ..
او ممكن تعلني انك تمسكي طفل او طفلين فترة الصباح تهتمي فيهم لحد الظهر


الصدقه و الدعاء و حسن التدبير بتساعدكم ان شاء الله