أطلق او شو اسوي؟؟؟ انصحوني جزاكم الله خير

عزيزتي ... انا والله مابي اشوش افكارك ولا شي انتي طلبتي النصيحه وانا كتبت لك مايمليه علي ضميري......

يابعدهم نقيسها انا وانتي حبه حبه..

اولا موضوع الحمل اللي انا رافضه فكرته جمله وتفصيلا...انتي اصلا منتي مستقره نفسيا عشان

تحملين واكبر دليل انك توقعتي انه طلقك بغيابه الفتره اللي راحت.. وصدقيني يمكن الله سبحانه ماكتب لك

الحمل خيره لك والواحد مايدري وين الخيره فيه ..وانتي تبين تحملين عشان يحس بمسؤليه تجاهك

وانا وجهة نظري ماني محتاجه اجيب لك درزن عيال عشان تحس فيني..ويمكن تحملين وما يصير اللي

براسك ويتجاهل وجودك انتي وطفلك. وقتها تاكدي راح يكون همك همين مسؤلية طفل ومعاناه مع

زوج تجاهل ابسط حقوقك ..قريت كلامك انه ارسل مسج وجاك كم ساعه والسعاده اللي حسيتي فيها وقتها

الله يديم عليك هالسعاده وتحسينها العمر كله ان شاء الله ... بس لاتنسين ان اللي انتي تتكلمين عنه

زوجك حقك عليه عند الله وخلقه يوم بليلته...مو كم ساعه ويروح من دون ادنى اهتمام فيك.. خلاك

شهر مافكر من يراعيك... مافكر بتحتاجين شي ولا لا خلينا واقعيين تصرفاته كلها مافيها ادنى اهتمام

او تحمل مسؤليه .... اكرر اسفي وحبيت اوضح لك وجهة نظري والله يسعدك دنيا واخره وكل مسلم يارب..

بحر الاسلام

مشكوره الغاليه على متابعتج... انا احس اني تعيسه بدونه.. احس اني احبه..
كل مره على هالحال.. يتركني اضيق.. يرد افرح واتفاءل.. تمر فتره . يقصر ويعذبني .. ما اتحمل.. انفجر ويبتعد عني ....
هذا هو حالنا....



زاحفه بس اخلاق

فديتج ما يحتاج تتأسفين... انا متأكده انج تنصحين من خاطرج....
كلامج عن ان الحمل لازم يكون بعد ما الوحده تستقر وتحس بتحمل الريال بالمسؤليه..
بس شوفي انا شو اعتقد.. ويمكن انا غلطانه ما ادري..

ريلي. يحبني ... شي اكيد..
ريلي وايد بار بأهله وهو مثل ما تقولين ريال البيت..ولام اهله تحت جناحه..
ريلي من عايله وايد كبيره ومعروفه .. انا بسيطه .. وما عندي هالترابط اللي بينه واهله..
امهم شخصيتها قويه... وريلي ما يخالف لها راي ابد.. ويبرها ويسوي اللي في ايده عشان يسعدها..
حرمة زوجي بنت خاله .. وخاله غالي عنده وهو متلوم فيهم..
ريلي .. بيموت على عياله .. تخيلي يرقدهم عنده.. ووايد يحب الاسره...
تحليلي...
عندي ما يحصل جو الاسره .. بس انا بروحي...
حرمته تستخدم نقطة ابنه وبنته عشان تضغط عليه.. وهي فعلا نقطة ضعفه....
اهله ما يعترفون فيني ولا يقارنوني فيها بنتهم وام عيالهم..

عشان شيه .. فكرت لو صار عندي عيال راح يتغير وضعي..

المهم انه مع كل الضغظط الحي اكثر عن سنتين ما طلقني .. وما تتخيلين هو كم متحمل..

شو ريج؟؟
انا ما اريد اقنعج.. بس اريد اعرف رايج؟؟؟

اختي الغالية ..
اسمعي كلام عقلج وقلبج والمنطق وبس .. لأن انتي مهما شرحتي محد بيعرف الوضع كثرج .. وانتي مجرد تاخذين افكار منا وتأقلمينها على مشكلتج ..
الله يوفقج ويسدد خطاج ..

اللي انا متاكده منه الحين انك راضيه بالقليل من زوجك على انك تخسرينه .......

او بمعنى اصح تحت اي ضرف ماراح تتركينه.......

انتي قاعده تتكلمين عن ارتباط زوجك باهله..تتوقعين لما تجيبين طفل راح يخف حبه لعياله,,وارتباطه

بزوجته واهله.....اقولك برايي لا والف لا ..لانه ورقتك اللي تلعبين فيها خسرانه بكل المقاييس.
.
ولو كان الحمل يربط كل زوج بزوجته ماكان تطلقو الناس اللي عندهم اطفال ...

لكن نصيحتي لك اذا انتي حابه تكسبينه...خلي بيتك الواحه اللي يلجاء لها بعد كل عناء

اقولك كيف ...اهتمي بشكلك بكل ماتحمل هالكلمه من معنى لان الزوج دايم يحط مقارنه بين زوجاته

دلعيه خليه يحس ابئنوثتك ...لاتعتبين على غيابه.. وحسسيه بشوقك وهذا الاهم..لان زوجك لما فكر

يتزوج ماكان يبي اطفال ,,كان يدور على انثى تدلعه ونتاظره ..وانتي قيسيها بعقلك راح تعرفين ان

كلامي صح ..وقبل كل هذا وهذا اوصيك بسهام الليل والله ان لجئتي لربك تاكدي انه ماراح يخيبك

وارجع واقولك اني والله ناصحه لك من كل قلبي ..واتمنى من

الله انه يصخره لك ويحننه عليك....

الله يعينك على بلوتك ويصبرك نصيحة من اخت لاختها اكثري من الاستخارة وحددي مصيرك هل ساستمر اني اكون في الهامش ...او سينصلح حالك ...
واحمدي ربك انه الى الان ماعندك عيال والاصارت حالتك حاله ...