✨🍼التجمع الـ ( 15 ) لأمهات مواليد مايـ..5..ـو & يونيـ..6..ـو🍼✨2016

الحمد لله سويت الاشعه التفصيليه
وطمنتي ان كل شي زين اللهم لك الحمد
وقالت لي ولادتك واحد رمضان وقالت انتي في الاسبوع واحد وثلاثين
وقالت لو كنتي في الشهر الخامس كان الحسبه تكون ادق
بس بمشي على حساب البرنامج اني في الاسبوع 30
وبس دي اخباري اليوم

ويسعد قلبك حبيبتي

ايوا ان شاء الله ، لانه الفرق بين بيتي وبيت اهلي انه ف بيت اهلي حيكون البيت دايما نظيف عشان فيه شغاله هذي الحسنه الوحيده الي ف بيت اهلي ، غير كدا ف بيت اهلي بنتي تصير مدلعه ونومها مخبوص وتتعبني اكثر والوضع مكركب مع عفشي وقشي ف شنط وكدا وحسيت امي مضايقه من عفشي وتقولي كركبتي بيتي وبنتك سوت وبنتك فعلت ف قولت اتعب ف بيتي ولا اسمع كلام يضايق ، وان شاء الله ربي يسهل ع الجميع ..

القرفه + الزنجبيل + حبه البركه + الحلبه + الفلفل الاسود + الابيض
هذي اشوف ان كيلو او كيلو و نص كويس لانك راح تستخدمينها من اول يوم و اكثر من مره ف اليوم و كمان عادي تستخدميها بعد النفاس ف الاشياء اليوميه
بس الرشاد تستخدمينه مثل م قالوا البنات اخر 20 يوم يعني يكفي نص كيلو
اظن كذا تمام بس كل وحده حسب حبها و حاجتها للاعشاب...
عن نفسي م عندي مشكله لو اتقهوى طول اليوم من هذي الحاجات

و كمان لو تزيدين قشر القهوه مره مفيد و يشد البطن و ينظفه + سنوت
كيلو قشر قهوه و نص كيلو سنوت

يبغالي ان شاء الله اسوي بقدر الضغط 👍🏻، استخدمته مرتين اول مااشتريته وبس مع الدجاج ومركون ف ان شاء الله استفيد منه ف النفاس ..