بغيت زوجي يوقف معاي وقفة رجال في هالعزاء .. لكن :(

اما مسأله ان زوجك مايبغيك تبكين تراك كأسره خاطرة وبيموت من داخل عشانك بس. للأسف بعض الازواج يخونه التعبيررر مايعرف يعبر
عشان كذا يحاول يضحك ويضحكك لان دموعك ماهانت عليه والله مو استهتار هو يعبر عن حبه بالطريقة هذي والموت حق سوء رحتي أو لا ما بيدك شي أدي الواجب بالتلفون

جزاكم الله خير حبيباتي .. مدري اخذ بكلامكم و لا بقلبي ..
بجد مقهوره منه اذا كلهم كذا بدون احساس امري لله ..
مدري ابوي حبيبي ماكان كذا .. ابويا يوم ام امي تعبت مو من مدينه لمدينه الا من بلد لبلد وداها و مصاريف يا كثرها بس عشان تشوف أمها ..
و فعلا شافتها في اخر أيامها ..
لكن الحمدلله الله يخليلي ابوي مافي زييه
......
و يا بنات ترى امي ما تبغاني اجي بالذات في السياره و ابوي قال لا تدورون حجز و لا شي انا بس ارجع من السفر و بجيبك ..
لكن انا اللي مو طايقه البيت ووتعبااانه و لحالي بين 4 جدران .. حتى زوجي الحين مو فاضي زي اول ان كل اشويا يقدر يطل علي..
:( و سفر عادي موافق بس رافض ان من هنا لجده و بعدين انتظار 6 او 7 ساعات و بعدين طيارتنا ..
يبغاها دايركت و انا معاه في هالمسأله ..
بس اشوي كلامه حز بخاطري ان لازمني اكون ببيت اهلي .. هنا زهقت من غير موت جدتي كنت اصلا قرفانه و كنا على طول نتكلم عن السفر متى بسافر




و جواهر يس انا هي :(
الله يسعدكم و لا يوجع قلوبكم يااااااا رب

أولاً عظم الله أجركم و غفر لميتكم
ثانياً لا تزعلين نفسك و لا تحطين السبب إنه ما يعرف بالأصول لا ترى الرجال كذا تلاقينه حزين بس بعضهم ما يعرف يعبر يعني هو لما يقول لك عشان اللي ف بطنك مو قصده إنه الأهم عنده اللي ف بطنك لا قصده ينبهك و يهديك عشان البيبي و مسألة يسولف معاك و يضحكك كمان عشان يسليك و ينسيك حزنك .. فمن رأيي استهدي بالله و ادعي لجدتك لأنك ما بتنفعينها الآن إلا بالدعاء و مو شرط حضور العزاء إذا فيه كلفه و مشقه و إن شاء الله تتيسر لك سفره لأهلك قريب تغيرين جو عندهم و أنا متأكدة إنك لو رحتي لهم من بداية العزاء كان بتسولفون و تضحكون هي ذي الدنيا و ذا حال الناس ،،

عظم الله اجرك
واذا على العزا ترا الكل بيعذرك ضروفك خاصه حامل
وخلاص روحي قريب ولادتك لاهلك وانفسي عندهم
واذا على الواجب فالعزاء لا يشد له الرحال يعني منهي عن السفر للعزاء
خلاص زوجك يعزي عن طريق الجوال
واذا على وقفته جنبك ترا بعض الرجال م يعرف يتصرف
وتحسين انهم م يحسون لما يضحكونك بس اسلوبهم كذا عندهم اذا ضحكتي كذا شيء حلو
ونصيحتي شغلي القران فالبيت يريح من اعصابك وحاولتي كل م ضاق صدرك تصلين ركعتين