أحس قلبي بينقسم نصفين

ياختي ياما شباب واطفال جاهم هالمرض والسكر اهون من غيره وبالنهايه هو ابتلاء من رب العالمين
ولاتخافين ان شاء الله ربي بيرزقكم الذريه وتفرحون فيها
وتقولين رمضان جاي ايش اسوي له لاتفكرين بطبخ وغيره اللي تسوينه برمضان انك تدعين له بالشفاء
وارقيه باستمرار لو بسورة الفاتحه اذا نام وخلي مويته اللي يشربها مرقيه وان شاء الله تشوفيه صحيح متعافي
كثير شباب اعرفهم جاهم السكري وامراض اخطر واشد ومع هذا متماسكين وصابرين وانتي لاتبينين لزوجك انك تعبانه ومنكسره لانه حتى هو راح يتعب وصدقيني الان انتم في مرحلة الصدمه لكن شوي شوي راح تتقبلون الموضوع وراح يتعايش مع المرض ويتعود عليه وبالنسبه لموضوع الخصوبه والخلفه مو شي اكيد ان السكري ياثر ابوي رجال كبير وفيه السكري من زمان وزوجته الثانيه تخلف لكن وقفت الان لانها هي تعبانه مو لانه هو مريض
زوجي شاك ان عنده سكري مع انه رياضي ويارب يارب يطلع مجرد شك لكن انا احاول دائما ابين له ان السكري مرض اهون من غيره ودائما اقوله حلل وتاكد وان شاء الله مافيك الا العافيه وما ابين له اني خايفه او متضايقه
الله يشفي زوجك ويرزقك باطفال تضمينهم ويبرونك عند كبرك

الله يشفيه ويرد له كامل صحته .. لاتفتحي له موضوع العيال وكثير ناس عندهم سكر ويجيبون عيال ... هو ماله دخل في الانجاب ..لاتحزني فترة وتعدي وتتأقلمون مع الوضع .. ولاتاكلو قدامه شي سكري يحبه

الحمدلله على كل حال ترى حاله افضل من حال البعض الله يعطيه الصحه والعافيه والله يرزقكم الصالح اكثري من الدعاء والاستغفار

الله يشفيه


السكر سهل ان شاء الله
لايحرم نفسه لكن لايكثر
خليه يعتبر نظام صحي للحياه
اهم شي لاترعبيه ولا يوسوس
ترا االحاله النفسيه اهم بكثيييييير من النرض نفسه
سفرتك برمضان كل مالذ وطاب
خضروات شوربه مكرونه وووووالخ
لكن يلتزم بالتخفيف بالحلوياا والنشويات
وقدامه العافيه يارب ...
عندك ورق الزيتون ممتاز للسكر
وكذلك الكوسه
والجوافه
وقدامه العافيه يارب

شوفي ياختي بكلمك عن تجربه وان شالله تستفيدي انا جاني السكر وان صغيره يعني في عز شبابي ولا هو وراثي عندنا فجأه تعبت ومرضت لدرجة انو رجولي تورمو ماقدر امشي لا اقدر انام من الحراره اللي ف جسمي ولما حللت طلع سكر والله ان الدكتور كان مرا متأثر وانا قلت الحمدلله السكر اهون من الامراض الخبيثه هو في بدايتو مرا متعب بس انتبهي لاينزل عندو السكر وتجيه غيبوبه لا سمح الله اول مايحس الرجفه ياكل او يشرب شي حلو والافضل يكون مشروب زي الميريندا او المنقا انتبهي من الاعشاب لانها ممكن تسبب له مشاكل الاكل ياكل عادي بس ينتظم ع العلاج والرياضه انا ماحرم نفسي من شي بس بعتدال زي ماقلت لك اول شهرين متعب خصوصاً لو كان التراكمي عالي بس بعدين يصير عادي لدرجة انو ينسى ان عندو سكر نصيحه اخيره خليه ينتبه لرجوله ويلبس شراريب ويقص اظافره اول بأول واي جرح حتى لو بسيط لا يهمله يعالجه ع طول كمان ياخذ فيتامين ب ضروري وفالكم العافيه واي سؤال انا حاظره