بشارككم تجربتي مع fractional laser co2 لآثار حب الشباب

ماشاء الله تتهني بالنتيجه حبيبتي

السلام عليكم خواتي
انا بعد بقولكم تجربتي، بدايتاً كنت زيكم خايفه اسوي الفراكشنال بس قريت عنه وجربته، انا بشرتي الحمدلله مافيها شي مرا بس كان في اثار حبوب و حفر جداً بسيطه. المهم سويت اول جلسه طبعاً تط كريم مخدر على وجهك تخليه من نص ساعه واكثر بعدين تبدا تسوي وجهي باليزر في ألم بس محتمل بعد الجلسه وجهي صار مورم والم فضيعع يقعد لك 3ساعات كأن احد كاب على وجهي موية حارهه بس الي يبغى الدح م قال اح☺ بعدها اليوم الثاني او الثالث وجهه بيسمررر عادي تشوفين زي حبات النسكافيه بس يقعد سبوع ويروح تماماً بتدريج خلال هالاسبوع، بتعطيك كريمات بتكلفك حوالي 600 وعليها نصيحه مالها فايده الا كريم واحد زي المرطب لونه اصفر الباقي م ادري ليه صرفتها حق تجاعيد وحبوب الي في وجهها حبوب تشتري كريم الحبوب مع الغسول الي صرفته لك ، وعطتني كمان مضاد حيوي لان بشرتي من النوع الدهني ويطلع رؤس بيضا ، بعد الجلسه الأولى النتيجه كانت اثار الحفر اختفت تماماً و اثار البقع خف بس مو مره المسام تقفلت بس بعد مو مره بشرتي صفت طبعاً لاحظت فيه توحد اللون راحت بشوي التصبغات والحين سويت الجلسه الثانيه ولي يومين تقريباً بس لسه م راح الاثار حق الليزر بس تروح ان شاءالله اخبركم،
بس الي ف بشرتها حفر مرا حلو لها .. بعد الجلسه الاولى م اخفي عليكم وجهي قلب حبوب ورؤس بيضا بس بشي معقول ولاتخافون راحتت بس بعد الليزر راح يطلع حبوب 😢💔 وشكراا

الفراكشنال حلو جدا لكن ليش هذه الاسعار الخيالية
انا اخذت بكج 4 جلسات فراكشنال و4 ميزو
2200 فقط

في اي مستشفى واسم الدكتوره لو سمحتي