السلام عليكم ورحمة الله
أول شي الله يرحم أمك ويجزيها الفردوس الأعلى
ثاني شي بقولك شي الحل بنظري إنك تكوني قويه مو قصدي بالقوه إنك تضاربيه وتحطي رأسك براسه لا قصدي قويه بشخصيتك أعرف وحده زوجها مثل ما وصفتي بالضبط ويمكن أكثر لأنه هذاك كان يقول (كلام ما ينقال) لدرجة إنه هي ما قدرت تقوله الله يهديه المسكينه كان هالشي وهي مالها إلا سنه يعني عروسه البنت مثل أي بنت أنصدمت وبس كانت تبكي راحت بيت أهلها وأهلها مثل أي أهل يخافواإنها تكون مطلقه المهم البنت كانت تقولي كذا وكذا وإنه إحتمال كبير تطلق ويقولوا الناس إللي يقولوه وبعدها وقفت التواصل معايه وحتى مع أهلها وكانت هااااديه وكأنها كانت تفكر وهي عارفه إنه ها لقرار ممكن يكلفها الكثير لين ما جت وكلمتني إنها بترجعله ولمن كنت أطالع فيها كان شكلها غير وكأنها وحده ثانيه يعني مو كأنها ذيك الضعيفة الحساسه المهم هو جا وراضاها ورجعت معاه ، وكأنك يا ابو زيد ما غزيت وعاد نفس الغلط لكن هالمره كانت غير كان يسب ويشتم وهي تطالع فيه وتبتسم واتخيلي كان يصارخ أكثر ويقولها لا تسكتي خاصميني سبيني كسري بس لا تسكتي وهي سااااكته وتبتسم لدرجة إنه خرج من البيت ورجع اليوم الثاني وهي ولا كأنه سوا شي وهو مقهوووور يبغى أي مشكله وفعلا قام طلع مشكله وكبرها ونفس الشي لين ما قلها ليه ساكته انطقي طيب شيلي أغراضك وروحي بيت أهلك هي كانت جالسه عالكنب تقول لمن قال هالجمله أنا إتربعت وقلتله بكل هدوء أنا جالسه على قلبك وهالبيت بيتي أنا وبنتي وأنا زوجتك ولي حقوق عليك مني جايه من الشارع ولو تبي تطلق طلق ما أحد ماسكك لكن خروج من البيت وانا على دمتك ماااااافي وقالت وهوإنربط لسانه لأنه على عصبيته إلا إنه يحبها وأكيد يحب بنته والطلاق مو براسه المهم تقول من بعدها ما عاد فتحلي السيره وصار يحترمني أكثر وكل ما عصب وخاصم أستعمل معاه نفس الأسلوب (قالت تحسن كثيييير ونااااادرا ما أرد عليه بكم كلمه ) وعايشه حياتها ربي يوفقها ويسخر لها زوجها
اضاربت مع زوجي وقال لي اطلعي من البيت.. هذه قصتي
متابعة النقاش، صفحة 3