مشكلتي مع زوجي ارجو دخول الحكيمات فقط

هذا عاجبه الوضع والتسدح وانك شايله كل شي عنه وواضح مايبي يتعب عمره يعني مو حق زواج ولاحق تكوين اسره ولا حق معاشره بالحسنى انتي ياتدخلين اهلك واهله وتقولين ابي كذا وكذا لان الكلام بينك وبينه مانفع مستهتر جدا اذا تقولين مابي مشاكل او طلاق وبتحمل التعب خلاص ادعيله بالهدايه وانشغلي بنفسك وانسيه اذا بتتحملين كل نتائج القرار دخلي احد وابد مو حياه زوجيه هذي على الاقل لو مافيه حب فيه موده ورحمه اذا انتزعت من قلبه وش بقى

عجبني ردك وحابة اضيف عليه اذا ممكن تدور وظيفه لها عشان تشغلها شوي عن زوجها الله يسخره لك

ياختي انتي تقولين انو مايصلي كيف تبينه يعاملك باللتي هي احسن وهو اصلن علاقته مع ربه مو ذاك الزود يا ختي ان الصلاة تنهى عن الفحشاء والمنكر اول شي لازم تحاولي معه او مع اهله عشان يصلي ويتقي ربه ترا اذا صلح دينه صلحت حياته وحياتك وثاني شي هالجوال اللي 24 ساعه ف ايديه يخلي الواحد يشك يمكن يكلم بنات يشوف اشياء محرمه وهذا اللي خلاه ما يلتفت لك ولا هو حاس فيك القلب والعقل مع الجوال... انا اشوف سلبياته اكثر من ايجابياته عشان كذا لازم تحسمين الامر لا يضيع عمرك عالفاضي... الله يهديه ويسخره لك يارب

ياعمري انتي شوفي اكتبي حسناته واكتبي سيئاته وشوفي وش تحكمين على بقاءه او تركه ثانيا اذا مازال مع غراميات وبنات وقله حياء فلازم تدخل من قبل الأهل اهلك واهله كلهم ثانيا انا قرأت موضوعك السابق تقولين يحط صور بنات بالواتس اب يعني مايخاف الرجال من اهلك واهله يشوفونها الحمدلله الذي عافانا مما ابتلاه والله رحمتك يااختي فعلا صابره على واحد زيه المفروض يحطك بعيونه ثانيا صلاته حاولي تنصحينه ترسلين له أشياء عن عقوبه تارك الصلاه علمي أهله ابوه أمه قولي ولدكم مايعرف الصلاه اذا انعدمت الحلول مع واحد زي هذا وماتعدل فالاحل الطلاق بس للأسف لو تطلقتي وعندك طفل كيف راح يصرف عليك اذا عيشتك في بيت اهلك عين فراش ورمش لحاف زين على زين اذا لا الله يعينك خصوصا انه ماعنده وظيفه ثابته الله يصبرك يااختي ويعينك ادعي ان الله يهديه ويسخره ويبعد عنه بنات السوء واستودعيه الله من بنات السوء وكثري صلاه على النبي واستغفار ولاحول ولاقوه ال بالله فابدعاء تغيرت احوال أنبياء رددي لااله الاانت سبحانك اني كنت من الظالمين وربي يسخره لك ويهديه في هاليوم الفضيل

أختي ترف
الله يوفقك ويلهمك الصواب
لازم تحددي أنت أيش تبغي منه ..ليش تزوجتي ..وهل وجوده في حياتك مثل عدمه
بغض النظر عن طلعاته أنت تبحثي عن مشاعر وهذا طبيعتنا كبشر نبحث خلف الأشياء و الأشخاص عن مشاعر وتحديدا السعاده
ماراح اقولك ان ازواجنا وابناءنا ماهم سعاده بالعكس لما يكون عندك زوج يحتويك بمشاعر حب .. هنا سعاده
لا ينغصها الا خوفنا من فقدانها
ولكن حقيقه الي مو لله مايدوم ...أي متزوجه لو علاقتها بزوجها حب مشروط( لازم يحبني عشان احبه) ماراح تسعد ابدا.. وقيسيها حتى على علاقتنا بأبنائنا حين نحبهم حب مشروط لازم يطيعني و .. و. ماراح نستمتع بهذي العلاقة والنعمة التي حُرم منها الكثير ....
الموضوع عمييق عشان كذا احيلك ل البوم الدكتور صلاح الراشد (كيف تكسبين محبوبك)
تأكدي أن الخطوات تبدأ بشيء سهل (نيه)و ( توكل)
يمكن الأبواب أمامك الآن مقفله لأنك ببساطه مامشيتي بالطريق السهل لأنك لسى ماعرفتيه وقد يكون الشيطان جعلك تيأسين من الحل
وانه مافي حل الا الصبر الي متعارف عندنا وهو الألم
وكأننا نسينا أن المؤمن موعود بالحياة الطيبة !
الألبوم فيه ما أقصده
ويمكن يكون طريقك يوصلك للطلاق ويمكن لا
الأهم تأكدي إن الله يعلم مايناسبك تماما حتى ماتجهليه أنت من وضعك ومن نفسك وهو أرحم الراحمين
موفقه،،