يا حلوها ساعة لفتني التباشير 💑 بشارة سلامتها و بشارة ضناها (3)(يوليو واغسطس) 🎀

عادي ياقلبي وقتها انتي شوفي نفسك تقدرين تمشين امشي وادخلي
واذا ماتقدرين تتطلب لك عربيه وتقولهم ولاده وهما على طول يقومون باللازم
اما بالنسبه للاجراءات
فلاتخافين ابد سبحان الله انا دايم تجيني ولاده وانا عند اهلي وزوجي بالدوام ودوامه بمنطقه ثانيه
وتروح معي امي وعادي مرره
بس لاني اولد بخاص فيرفضون انهم يكشفون علي او يسوون لي اي شي الين امي تحط لهم مبلغ تحت الحساب
وانا بحكم اني اراجع بالمستشفى دايم وملفي عندهم فمايحتاج يطلبون اي اثبات لي
فالموضوع بسيط جدا ولاتخافين تتيسر ان شاء الله

الله يبارك فيكم جميعا
الحمد لله اليوم طلعت من المستشفى
اكشني


انا من اسبوع بديت اقراء البقره كل يوم واجيب قاروره ماء صحه كبيره انفث فيها واسير اشرب منها طول اليوم كل ما نقصت زدت عليها
وكنت قبلها اشرب ماء وعسل وزبط لي البطن من الامساك ريحني


وقلت لكم يوم اكلت اناناس كم قطعه بس
ويرمها يوم رحت الطواري وقلت لكم فيه شيء ابيض نزل
كل هذا طنشته وماسرت اصدق الي يجيني
وبس ضليت مستمره على البقره كل يوم وعسل وينسون بعد الفطور
وقبل الولاده بيوم سار جماع
وخرجت بعدها امشي في السوبر ماركت بس حتى مو ذاك المشي لاني مره ما اقدر امشي كثير احس بسكين من اسفل


وخرجت عادي ورجعت البيت وعادي وصمت يومي ولله الحمد
بس كنت اصحى كثير للحمام
بس يومها مو بس حمام لا مع مغص كذا مزعج ورجلي وظهري زياده هذا الي كان مختلف عن كل الالم السابق
الم بالظهر والافخاذ مع الم المنطقه من جوا
صليت الظهر عادي
بس جاء الظهر وانا مانمت وجسمي كله يالمني
وقلت لزوجي تعال بموت من الم الجه اليسار كلها مخدره


دلكها لي شويه وبعدها نمت ساعتين بس وقمت من الالم
والحمام
ورجعت احاول انام ساعه وقمت من شده الطلقه بعدها جاني شكك انها طلقه غير
طويله كانت ويالله تفك
وادخل الحمام و ووانا على الكرسي حق الحمام حسيت جاني طلقه قويه نزل معها زي دفعه ماء قلت لا هذا بول اكرمكم الله
وشويه احس شيء الا دم
طلعا هنا
طار عقلي خوف وفرحه
وسرت اقول اللهم ااامن خوفي
وعلى طول رحت ادور على زوجي مالقيته
عرفت انه برا والساعه 6خفت يتاخر
بديت ارتب اموري كلمت دكتورتي
واجهز نفسي واغراضي بصمت وسرت امشي بالبيت ويزيد الطلق ويشد بقوه
جاء زوجي وخبرته قال اكيد
وبدائنا نرتب الامور وانا خايفه اولد بالسياره لان الطلقه تمسكني بعنف الله يهون علينا
وهو يقول لا مانروح الان المستشفى خليك شويه تشد الامور
وقلت لشغالتي جهزي الفطور وبناخذه معانا
قال زوجي لا
بنفطر وبعدها نمشي وهو وده يشد الطلق
اكلت 3رطب وماء بس
صلينا المغرب وانا اتماسك عشان عيالي ما يلاحضون شيء ويخافون
قالو وين رايحين قلت عندي موعد
وخرجت وبديت اتالم في السياره
وخايفه من الزحمه ونتاخر
والحمد لله كان الطريق فااااضي الناس تفطر


وصلت وانا ااااه يارب فرج
كشفت الدكتوره قالت 4-5سانتي


وانا بديت اخاف
وعلى غرفه الولاده


طبعا كل الاجهزه على بطني طلق وجنين والظغط


وبدت المراحل الصعبه وزوجي يقراء سوره مريم ويصلي
وانا تشد اموري
وكشفت قالت 7سم
وانا بس ادعي واكثر شيء التركيز على التنفس
وياولي نعمتي ولاذي عند كربتي فرج عني ما انا فيه
و
اللهم اجعل الولاده بردا وسلاما علي كما جعلت النار بردا وسلاما على ابراهيم


واقولها مع كل شده نفس اخذها من الكمام حق المخدر
وبعد ربع ساعه الامور جات سريييعه
وانا خلاص سرت متشنجه على الاااااخر
ولا ادري عن شيء غير الالم
كشفت قالت عشره ياللله بسرعه


وفجاء شالو البنج الكمام
والصوت حق نبض الجنين وقف وسارت حاله طارئه وركبولي الاكسجين
ويصيحون عليه اشفطي نفس مافيه اكسجين
وانا اخذ نفس
ويدورن للنبض ووقف
ويصيحون عليه يالله
وانا زي الحلم او كابوس
بس كل شيء واعيه مو مبنجه ولا شيء


وبداء الدفع
ويخاصمون يالله ادفعي وانا ادفع وانكتم واصرخ
ويقولون لا تصرخينركملي عشان يطلع فيه خطر
وزوجي فوق راسي يقول اصرخي ماعليك منهم لاني انكتمت
ويالله
وابداء اصيبيييح لانها بدت تشق وتقص عشان توسع
والحمد لله حسيت طلعت بنتي ورمتها على بطني
واسمعها تعد واحد واثنين وانا مو فاهمه شيء


اثاري كان الحبل السري ملفوف 3لفات على الرقبه
ولولا لطف الله بها
وسبحان الله قبل اطلع توضيت واستودعت الله نفسي وطفلتي
والحمد لله ربي من قبل ومن بعد


وبس

مثلك انا حتى بنومي افكر بالولاده
بس انا قيصيري
رغم اني بشوال ان شاءالله بكمل سبع سنوات من اخر ولاده ...!
بس ع طول استغفر وادعي واقرا قران
اهرب من التوتر والقلق لله
واظن بربي خير ومتفائله ربي بيسهل لي رغم التوتر الي فيني والارق والقلق ...
طيب عندك احد يساعدك في عيالك اذا ولدتي ؟

الحمدلله ع سلامتها وسلامتك
ربي انقذها من الحبل السري
الحمدلله لك يارب 💕

لاعادي
بس هونيها وتهون ...
انا نفسيتي تتقلب ع طول بس احاول اهدي نفسي
ماابي المزاجيه تتحكم فيني ...
معروف اظطرابات الحمل 😭