بنتي صارحتني انها تبي تتزوج :(

صدقيني الجمال مو مقياس ابدآ للزواج
واذا جا نصيبها مافي شي بيرده فالدنيا
وبعدين اذا كانت سمرا ياما بنات سمرات تزوجوا وبيضات ماتزوجوا
نصيحتي خليها تستغفر يوميا وتدعي وان شالله ربي بيرزقها بالزوج الصالح

لاتقطعين حظ الصغيره لاتردين نصيبها والكبيره ان شاء الله رزقها بيجيها يمكن زواج الصغيره يكون فاتحت خير على الكبيره الله يوفق بنات المسلمين

ارقي نفسك بالرقيه الشرعيه الله يرزقك بإبن الحلال يارب

اللي قالت اني مثلهم اموت بالبياض لا وربي انه مايفرق عندي اللون لكن يابنات مجتمعنا يقدسون البياض بشكل لدرجة عادي لو يشوفون بشعه يقولون انها جميله لانها بيضا
وانا عادي مايهموني لكن لمن صار هالشي يأثر على بنتي ماعرف كيف قهرني ولا بيدي اغير راي المجتمع كامل
واللي قالت لاتقولين لها عن اللي يخطبون الصغيره مو المشكله انهم دايما يجون يخطبون الصغيره مني بالاعراس والمناسبات الكبيره ويجون يسألون عنها ولك انا اصرفهم واقولهم صغيره بس اهي تسمع وتشوف فتنقهر وانا ماكنت ادقق الا لمن صارحتني

اللي قالت انه بنتي حسوده لا وربي ماعرفتي بنتي مو عشاني امها امدحها لكن وربي كانت تفرح لهم وتروح لاعراسهم ولدرجه تشتري هديتهم ذهب وتتم تجهز للعرس من قبل بفتره طويله
لكن انا احس لانه اهم يحسوونها انها غير حتى واهم غير (قاصدين) وفي ناس يقصدون


انا احس اثأر عليها مجتمعها لان مجتمعنا يهمه الزواج واقصى طموحه انه البنت تتزوج فانه كلا اللي حولها يشوفونها انها مانجزت لو ماتزوجت لو خذت مليون شهاده واهي شكلها تأثرت من النغزات او اسلوبهم


وانا اعترف بعد بنتي حساسه وماتحب احد ينغز عليها وساعات اقول لربما ماينغزوها ولكن طبيعة حياتهم غير طبيعة حياتها فانه صاروا مايتفقون بواجد اشيا ومابينهم اشيا مشتركه فصارت تمل وتفيخ معاهم
المشكله ان انا ربيتهم على انهم مايخالطون اي احد ولا يصادقون احد مايعرفونه اغلب اصدقائهم يعرفونهم من سنين ولا اهلهم بنات عماتهم ةاعمامهم


والله انا ماتتخيلون صدمتني لمن قالت لي لاني اكثر ام منفتحه في العايله وادلع بناتي ماببي قاصر عليهم ابد وسبحان الله ماحطيت ببالي يوم انه ينقص عيالي شي ماقدر اوفره سبحان الله شلون الحياه كذا