يا حلوها ساعة لفتني التباشير 💑 بشارة سلامتها و بشارة ضناها (3)(يوليو واغسطس) 🎀

انا نفسك خلصت
حطيت بجامة بفتحة صدر لبعد الولادة
وقميص قطن ولقنز للخرجة من المستشفى
وسنتيانتين وشرابين
و3 كيلوتات للإستخدام الواحد ومنشفة للجسم وسط
ومحفظة صغيرة فيها روج نودي وبيبي كريم وعطر مسك أبيض
فرشاة وربطات شعر
مسواك
3ازواج فوط صدر
3فوط لوتس الكبيرة
3فوط كوتكس الليلية
كريم ميبو وفيوسيدين
معقم الأيدي وتحاميل فولتارين
وملين اجولاكس
للبيبي
لبستين كاملة للبيبي عبارة عن
بربتوزين وافرولين ومهادين وقبوعتين
اخذت سماوي وأبيض في حال طلعت بنوتة
ولهاية ومسحات في حال خلوني أغير له
محفظة اليد اللي بتعليقة اذا تعرفوها
بحط فيها جوالي وشاحن سافري وبطاقتي وقريشاتي للبخشيش
لأن ببنتي الأخيرة ربي سخر لي قابلة كويسة فما كان معي فلوس ولمن جاء زوجي للزيارة مرت تعطيني البيبي وخليته يعطيها 50ريال
فباخذ احتياطي هالمرة.
كمان جهزت عباية وطرحة ونقاب احتياط بس بخليهم في كيس فالسيارة لأن مالهم مكان في الشنطة.
باقي لي كسرة مرة وسناك .
اذا نسيت شي ذكروني جزاكم الله كل خير.

الشنطه انا جهزتها من اول التاسع من الحماس وحطيت بالشنطه :
غيارين ليا كامله
وبنطلون طويل وشراب عسى اقدر البس بس مع الخياط 😩😓
وفوط صحيه مزيل عرق
ماخذت معي شيء للشاور لان ماضن بقدر اتروش
ولا اي من الحوايج لطلعت ان شاءالله ابدا فيها
اذا طبيعي يوم يومين بالكثير وطالعين ان شاءالله
ولبس واحد للبيبي رضاعه حليب باخذ بالمكييال
لان الي اعرفه هم يلبسونها انا احتاج ابدلها وقت الخروج بس
وباخذ فرشاه ومعجون و جوالي والشاحن اذا مانسيت
وتتوقعون نحتاج نت للتواصل ولا مانا بحوله !!
والشنطه فللت ماقدر اضيف ماعد بها مكان ..

ام توته سمعت بتحاميل فولتارين
تحاميل شرجية تنسين ان فيك خياط
اول مرة باجربها
اقري عنها واذا اقتنعتي استخدميها

اميره
لو بيدي قعدت ببيتي كل شي على ترتيبي ونظامي
وعادي اذا زهقتي قولي لزوجك ياخذ بك لفه بالسياره
ويجيب لك كوفي وتمشوا وغيري جو
واذا على كلام الحريم والله ماتخلصين فعلشان ترتاحين طنشيهم واذا فيه شي تحسينه غلط روحي لدكتور واساليه
اذكر وحده الله يجزاها خير تقولي لازم ترضعين كل نص ساعه 😫 من كلامها خفت وقلت شلون بنام شلون اذا طلعت لبيتي بعيش وهالبزر متعلقه بصدري
رحت للدكتور وقلت له بنتي ماتطيع ترضع يالله بعد ساعتين قالي كويس من ساعتين لثلاث ساعات قلت له وقعد يضحك يقول لسى بعد نص ساعه باقي بالمعده
والخرافه الثانيه لاتعطينه ماء 6شهور سالت وقالي الدكتور اذا يرضع طبيعي 100٪ مب مشكله لكن لاتحرمينه الماء
اما الصناعي لاااازم على الاقل رقمين ماء والا بتعب من مشاكل الهضم والامساك
فصرت اي شي اسال الدكتور

عضوه
اي احس مهم النت لان احتمال تكونين بغرفه مشتركه ويصير الواتس اب ينفعك في حال بتقولين شي او تبين شي
وحتى شلون ترسلين تعلمينهم انك ولدتي
اذكر بولادتي دق زوجي يقولي تبين شي وانا جاي وانا كنت ابي فوط المستشفى يوفرونها بس لازم كل مابغيت اروح اقول للممرضه ابي وتعطيني حبتين
واللي جنبي زوجها موجود قلت له لا ماابي شي وانا منغبنه 😅