يا حلوها ساعة لفتني التباشير 🎀 بشارة سلامتها و بشارة ضناها (4 يوليو واغسطس )!!

الله يعين شلت هم بنتي صراحه
وهذا واخوها مب عندك
بس اتوقع لانك غبتي عنها كم يوم بالمستشفى فهي خافت تفقدك ثانيه الله يخليكم لبعض
اذكر يوم اتنوم بنتي كذا صارت ماتنام الا بحظني والا الان لو ادخل الحمام تكرمون تطق الباب يله خلصتي وش تسوين 😫 واحيانا تفتح الباب علي ماترتاح
بس انا هالحين افهمها انه لازم انام عند الدكتوره علشان تطلع البيبي اول الوقت قالت لا بجي معك وبعدين ملت وقالت طلعي الدادا قلت شلون لازم انام عندهم قللت مايخالف وانا انام مع بابا وقلت لها طيب وعطيتها كرت حق الالعاب قلت لها اذا رحت روحي مع بابا للعثيم والعبي كلللل الالعاب واذا خلصتي اشتري اسكريم واعجبها الوضع
عاد ماادري وش بيصير الله يسهل

انا زايد علي التحجر بالتاسع
وفيه الام تروح وتجي ومااعرف اذا هي اعراض ولادة ولا تعاديل


امس طلعت ابي امشي والله مااخذت دقيقتين وتعبت فيه ألم شديد في عظمة العانه وخصوصاً من اليمين من المفصل احس وانا امشي ادق شيء جوا وخفت ورجعت مااعرف هذا الراس ولا وشو خخخخخ
المشكلة دخلت الاسبوع الثاني من التاسع وللحين مامشيت الا مرتين
الاولى اخذت فيها عشر دقايق او اقل والثانيه دقيقتين والمشكلة يقولون المفروض نص ساعه يومياً
احس مره مااقدر مع الثقل وبجهد نفسي على كذا

بنتي الاولى جبتها بالسياره تخيلي رحت المستشفى الساعه سته الصباح قابلتني دكتوره باكستانيه الله لايوفقها ماكشفت ولاسوت تخطيط قالت الالم اللي فيك بسبب فك الربط لاني فكيته العصر ماتوقعت ولاده ارجعي البيت واذا حسيتي بالالم خذي بنادول وابلع بنادول واحاول انام مافيه فايده رايحه جايه ع الحمام واجلس على المرحاض العربي احس بشي بيطلع رجعت بنام فجاءه جاني طلقه قويه مع شد وانفجرت المويه من قوة الطلقه صرخت قام زوجي والدنيا تحته مويات بسرعه لبست عباتي انا وامي وع المستشفى مامداني الف اركب قدام ركبت وراء انا وامي وطول الطريق يجي الطلق اقوى واحس بشد قبل نوصل المستشفى بخمس دقايق ولدت اقول لامي شي طلع ولابسه داخلي ع مافتحت امي الا والراس طالع ومايل ع جنب لاني جالسه مايله بعدها طلعت ومسكتها امي مو عارفين نسوي شي زوجي ارتبك وصار يضرب الدركسون ويبكي وانا ارتحت من الالم وخايفه عليها وامي تبكي وتدعي الله يخليها لانها بعد ثلاث اجهاضات اثنين منهم بالسادس والحمدلله وصلنا المستشفى وقصوا الحبل واخذوها وحطوا لها اكسجين ووزنها كان اثنين كيلو وانا دخلوني وطلعوا المشيمه ومافيه شق ولا احتجت خياط وزوجي طار بسرعة البرق لقسم الولاده بغى يذبح الدكتوره اتوقع لو لقاها بس حظها انتهى دوامها
ههههههههههه جبت لكم اكشنين كل ولاده تختلف عن الثانيه سبحان الله وكل وحده وقدرتها على التحمل انا لاحظت نفسي اتحمل اكثر من اللازم مدري ليه احسس اللي حولي اني قويه اروح المستشفى وانا اكلت الطلق كله بالبيت واذا رحت اطلبهم مسكن طبعاً مستشفيات الحكوميه مايعطونك لو تموتين الا نادراً والله بولدي الكبير ماعطوني ولاشي لاابره ولا كمام والربط فكوه بدون اي مسكن الله لايوفقهم مستشفى الخرج العسكري وبعد ماولدت تقولي يالله قومي فيه وحده بتولد بعدك كانها ماجره السرير لي وانتهى الاجار حسبي الله عليهم

هههههههههه يازينك احسك مثلي مايهم اذا زعلان ابوالشباب اتقهوى واجهز القهوه والشموع والورد واصور سناب احب اسوي لي جو بالذات لاصرت زعلانه منه

بس انتي حرام من نص رمضان ماعيدتوا

حسبي الله عليها من دكتوره

يمه هذا الاكشن اللي يخوف

والحمدلله ان امك معك والا كان طقت رقبه البنت وراحت الحمدلله قدر ولطف
والله لو انا منك لاشتكي هالدكتوره