تعبت من تحطيم اهلي لشكلي 😫😍

بنات انا متوسطة الجمال يعني صحيح ممكن عيوني صغيره بس باقي التفاصيل فيني حلوه والله بالمكياج اطلع جميله وقبل شهرين حضرت عرس قعدو الناس يصيحون بشكلي 😫😭💔 اهلي دايم يقولون انك شينه وان اصلا ماحد يطالع بوجهك
وامس ركبت تقويم قال لي اخي ماحد يطالع بوجهك عشان يطالع بأسنانك
ومره قال لي من اللي بيتزوجك اصلاً وقبل فتره كان فيني حب شباب وكان اكثر واحد يناديني ويتمهزأ بوجهي والله يابنات خلو ثقتي بنفسي تهتز رغم اني اشوف نفسي جمييله
تعبت نفسياً من هالشى وقبل فتره تعالجت من حب الشباب ولله الحمد بعد مُعاناة طالت 7 سنين صرت انسانه ثانيه حاليا والحين سويت تقويم لاسناني
قاعده ابذُل جهدي عشان اكون اكثر حلاوه بس للاسف يستمر التحطيم وحتى لو كان من باب المزح هالشى صار ثقيل علي مره وصرت ادّمع لما احد يقول شى يضايقني وانزل عيوني تحت ومااعرف ارد
علما ان لله الحمد ان دعواتي مُستجابه واشوف حظي حلو وعلى ثقه ان ربي قاعد ياخذ حقي ولو بعد حيين
ولو كان لي نصيب ولو كنت بتزوج راح يجيني رُغماً عن كل من حقد
وانا الحين قاعده اطلب ربي ان يرزقني بزوج صالح رغم انني صغيره وماابغى الزواج بس ابغى هالشى يصير انتقاماً لكل شخص قال لي اصلا مين بيتزوجك عشاان ترجع ثقتي بنفسي وعشان كل شخص يتمهزأ بخلقة ربي بحجة المزح والتنكيت علماً ان هالشى يسبب ألم وجرح للشخص المُستهزى به 😭💔😢ولكن لي الله وهو انتصاري الوحيد