ليه ياصديقات العمر

السلام عليكم
بنات ابغ استشيركم في شيء
احنا شلة درسنا مع بعض واستمرت علاقتنا تقريبا لنا عشرة سنين
ولي علاقة خاصة مع اكثرهم يعني اذا وحدة عندها مشكلة على طول تكلمني وتفضفضلي او وحدة كانت طفشانة تجيني يعني كنت المقربة لكل وحدة فيهم
المهم كبرنا واغلبنا اتزوجنا ومع الانشغال والمسؤوليات خفت زياراتنا لبعض وكنت اتواصل معاهم بالجوال مكالمات
ولمن طلع الواتس اب سوينا قروب كلنا وهم ماشاء الله عليهم طووول الوقت يتراسلوا صبح ليل فجر اي وقت
وانا مالي في الواتس كثير واذا اتصلت عليهم او اجتمعنا يعاتبوني لاني ما اتواصل بالواتس زيهم اقولهم مالي في الواتس اذا حبيت اسأل اتصل مكالمة وتراني اقرأ سواليفكم واعرف اخباركم
انا مو قاطعتهم بس شوية ادخل
المهم قبل فترة يمكن شهرين ولدي الله يهديه اخذ الجوال بدون لا ادري وصار يرسل لهم شخابيط وزي كذا قاموا حذفوني من القروب والى الان لاحس ولا خبر ولارجعوني ولا سألوا عني
بصراحة انا زعلت لانه ولا وحدة فيهم سألت عني ولا اي شيء كأني ما اهمهم
ياحسافة بس..
بنات هل معايا حق اني ازعل ولا الغلط مني ؟
واذا وحدة اتصلت علي اكلمها عادي ولا كأن شي صار ولا اصارحها اني زعلت