فهاوة زوجي واتكاليته علي

يسعد صباحكم /مساءكم
موضوعي ما اقول انه مشكلة ممكن فضفضه وابي رايكم،،زوجي صغير عمره 25وراتبه على قده مو ذاك الزود وحنا متزوجين لنا سنة ونص ولاحظت ان تدبيره بالراتب جدا فاشل يعني خلقة الراتب شوي ومع ذلك يطير في اشياء تافهه مثل جهاز اعجبه شراه ومع العلم ان مجلسي له سنه مافيه مكيف ومافكر فيه،، وغيره من الكماليات يعني احسه فاهي ما يفكر بالأساسيات قبل الكماليات، وانا والله مو مدح بنفسي انا كنت اصرف واصرف عند اهلي بس يوم تزوجته مسكت نفسي عن المصاريف لأني اعرف ماديته على قد حاله ،المهم اني حملت ولله الحمد وقلت الوضع ماينسكت عنه لازم اكلمه بضرورة التوفير لأن المصاريف بتجيني وتتراكم علينا خصوصا مع اول طفل وفعلا اقتنع انه غلطان ومايعرف يوزع الراتب من ناحية المصاريف ،قلت خلاص انا بدبر لك طريقة نوفر منها جزء بسيط من الراتب عشان يسد الحاجات الاساسيه وطبقت الطريقة مدة شهرين على راتبين اول شهر وفرنا الف وشوي واللي عقبه 1700 يعني مبلغ كويس لكن الله لايوريكم الزنقات الي مرينا فيه لدرجة والله حتى لبس للعيد ماشريت قلت حامل وبشتري اللبس وبعده بكم شهر اولد وماراح استفيد منه مو لازم اشتري بتعبر من الي عندي،المهم خلاصة كلامي انه صار اتكالي علي مرررره من ناحية المادة والميزانيه يبي انا الي اعلمه كم يوفر ، ادري هالشي مو غلط لكن ابيه يعتمد على نفسه شوي يفكر باعتدال هذا دوره مو دوري ،تعود انه انا الي اتحمل المسؤولية ،يعني اقول له ودي اسافر كم يوم اذا ولدت نقاهه لنا،،المح له انه يشد على نفسه ويفكر بترتيب الميزانيه , بنات لاتقولون انا ابالغ بالموضوع لكن جد شعور متعب اني فوق تعبي ونفسيتي مع الحمل ومسؤوليات البيت ويبي مني افكر عنه وادبر اموره ،وين دوره ؟مع العلم اني ابحث عن وظيفة تناسب مؤهلاتي وادعو لي تتيسر لي والله يرزق الجميع

27 تعليق 4,751 مشاهدة

شاركي في النقاش

سجلي الدخول لإضافة تعليق.

التعليقات

22
  1. @shyl_algnyd

    يااختى انتى فى نعمه كبيره زوجك مسلمك كل مقاليد اموره الماديه يعنى بالعربى انتى بتعرفى كل قرش وين انصرف ووين راح اخاف بكره تبكى على زوال النعمه دى مش احسن ما اخبى عليك وين بيصرف فلوسو واروح اسوى بيها بلاوى تجى بكره تشكى
  2. @myooom_2

    1. احمدي ربك انتي في نعمه والفرص استغليها
    2. والله فيه حريم حتى رواتب أزواجهم مايعرفون كم
  3. @ana_ndmanh

    بعضهم كذا هو حلو ومو حلو ادري صعب عليك انتي جربي رد وحده زي ماقالت خذي لك مصروف شهري ثابت ومنه انتي توفري لنفسك وهو بكيفه ان شاء الله يتسلف اخر الشهر مالك فيه ... لين مصيره يتعلم كيف يوزع فلوسه والراتب واذا حسيتي انه ماتعلم الله يعين لازم انتي تاخذي الرلتب وتوزعيه اعرف حريم زيك كذا وحريم العكس حتى راتب زوجهم مايدروا عنه وانا منهم الصراحه مايعلمني ولا اعرف شي...

تابعي تجارب أخرى من هذا القسم.